(බිමල් ශ්‍යාමන් ජයසිංහ)

කළුතර දකුණු කටුකුරුන්ද හංදියේදී ත්‍රී රෝද රථයකින් ගමන් කරමින් සිටි යුද හමුදා සෙබලෙකුට සහ තවත් පුද්ගලයකුට අමානුෂික  ලෙස පහර දී ත්‍රී රෝද රථයද පෙරලා දැමූ තිදෙනෙකු අද (27) අත්අඩංගුවට ගත්බව කලුතර කොට්ඨාස අපරාධ විමර්ශන අංශය පැවසීය.

පහරකෑමට ලක්වූ දෙදෙනා ප්‍රතිකාර සඳහා කලුතර නාගොඩ රෝහලට ඇතුළත් කර ඇත.

පහරකෑමට ලක්වූ පුද්ගලයන් දෙදෙනා ගමන් ගත් ත්‍රී රෝද රථය සැකකරුවන් ගමන් ගත් මෝටර් රථය ඉස්සර කළේ යැයි උරණව මෙම පහරදීම සිදුකර ඇති බව පොලිසිය පැවසීය.

මෙම අවස්ථාවේ මෝටර් රථයේ කාන්තාවක් සහ පිරිමි පුද්ගලයන් සිව් දෙනෙක් ගමන් කර ඇති අතර ඔවුන් සියලු දෙනා එක්ව මෙම පහරදීම සිදුකර තිබූ බව පොලිසිය කීය.

අත්අඩංගුවට ගත් සැකකරුවන් අධිකරණයට ඉදිරිපත් කිරීමට නියමිත බව පොලිසිය කීය.