(හිරාන් ප්‍රියංකර ජයසිංහ)
 
පුත්තලම ලංගම ඩිපෝවේ සියලුම බස් රථ විසබීජහරණය කිරීමේන් අනතුරුව නැවත මගී ධාවනයට යෙදවු බව පුත්තලම ලංගම ඩිපෝ කළමණාකරු එච්.එම් .සී .එච් .අබේසිංහ මහතා අද(13) පැවසීය.
 
කොව්ඩ් ආසාධිත කොන්දොස්තරවරයකු හමුවිමත් සමග ඩිපෝවේ බස් රථ 15 ක් ගමනාගමන කටයුතු වලින් ඉවත් කර අදාල ආසාධිත කොන්දොස්තරවරයා ඇසුරු කළ රියදුරන් හා කොන්දොස්තරවරුන් 44 දෙනෙකු නිවෙස් තුල ස්වයං නිරෝධායනයට යොමු කර තිබුනී.
 
පුත්තලම සෞඛ්‍ය වෛද්‍ය නිලධාරි චන්රු  ප්‍රනාන්දු මහතාගේ හා පුත්තලම ප්‍රධාන මහජන පරීක්ෂක එන් .සුරේෂ් මහත්වරුන්ගේ උපදෙස් මත අදලා නිරෝධායන කටයුතු සිදු කෙරිණි.
 
මෙහිදි ඩිපෝ කළමනාකාරවරයා පවසා සිටියේ අදාල සෞඛ්‍ය නීති රීතිවලට අනුකුලව පුත්තලම නගරාධිපති කේ.ඒ .බායිස් මහතාගේ මැදිහත්වීමෙන් නගර සභා  විසබීජහරණ කණ්ඩායම යොදා ගනිමින් සියලුම බස් රථ විෂබිජහරණය කළ බවයි.
 
ඒ අනුව අදාල බස්රථ සියල්ලම මේ වන විට නැවත ධාවනයට යෙදවීම සිදුවු බවත් කිසිදු මගියකු මේ තත්වයෙන් බිය නොවී ලංගම බස් රථවල ගමන් කිරීමට එක්වවන ලෙස ඩිපෝ කළමනාකාරවරයා ඉල්ලා සිටියේය.