(දිලීප් ජයසේකර)

තිස්සමහාරාම කොහොඹගහපැලැස්සේ සිට මහා පරිමාණ ලෙස හෙරොයින් ජාවාරමක් මෙහෙයවූ අපරාධ රැසකට  බන්ධනාගාර ගතව සිටින ‘පොඩි ලැසීගේ’ ගෝලයකු ඇතුළු සිව් දෙනෙකු අද (15) අත්අඩංගුවට ගත් බව පොලිසිය පවසයි.

අත්අඩංගුවට ගත් පිරිස සන්තකයේ තිබී මිලිග්‍රෑම් 2450 ක් හා රුපියල් 18400 ක මුදලක් තිබී පොලිස් බාරයට ගැණිනි.

මෙලෙස අත්අඩංගුවට පත්ව ඇත්තේ තිස්සමහාරාම සදගිරිගම පදිංචි වයස අවුරුදු 29,30 සහ 31 හැවිරිදි වියේ පසුවන්නෝ වෙති.

මොවුන් තිස්සමහාරාම,කිරින්ද,කතරගම හා දෙබරවැව ඇතුළු අවට ප්‍රදේශවලට  හෙරොයින් මත්කුඩු ගෙවිත් බෙදාහැර තිබෙන බව සිදුකළ පරීක්ෂණ වලදී අනාවරණය වී තිබේ.

අත්අඩංගුවට ගත් සැකකරුවන් සිව් දෙනා සහ හෙරොයින් මත්කුඩු වැඩිදුර විමර්ෂණ සඳහා තිස්සමහාරාම පොලීසියට බාරදී ඇති අතර ඔවුන් තිස්සමහාරාම මහේස්ත්‍රාත්  අධිකරණයට ඉදිරිපත් කිරිමට නියමිතය.