(දයාරත්න ඇඹෝගම)
 
නිවසකට බලහත්කාරයෙන් ඇතුළු වී 14 හැවිරිදි බාල වයස්කාර දැරියක අපයෝජනය කළ බව කියන වෙළෙන්දෙකු අද (15) අත්අඩංගුවට ගත්බව ගල්කිරියාගම පොලිසිය කියයි.
 
මෙසේ අත්අඩංගුවට ගෙන ඇත්තේ පුබ්බෝගම, අලුත්කුඩාටුගම ප්‍රදේශයේ පදිංචි 62 හැවිරිදි මෑකරල් අලෙවි කරන වෙළෙන්දෙකි.
 
අපයෝජනයට ලක්වූ බව කියන දැරිය සහ මෙම වෙළෙන්දා අසල්වාසියෝ වෙති.  වෙළෙන්දා මෑකරල් වෙළදාමේ යද්දි දැරියගේ නිවසටද ගොස් දැරියගෙන් මෑකරල් අවශ්‍යද කියා විමසා සිටි අවස්ථාවේ සිය පියා සහ අයියා අසනීපව සිටින සුළු මවට බෙහෙත් ගැනීමට රෝහලට ගොස් ඇති නිසා මෑකරල් අනවශ්‍ය බව ඇය පවසා ඇත.
 
සැකකරු ඇය පසුපසින් නිවසට ඇතුළු වී දැරියට තර්ජනය කර අපයෝජනය කර ඇතැයි පොලිසිය කියයි. දැරියගේ කෑ ගැසීමට නිවසට පැමිණි අසල්වාසි කාන්තාවක් සිද්ධිය දැක ඒ  පිළිබදව දැරියගේ පියාට දැනුම්දීමෙන් පසු ඔහු කල පැමිණිල්ල මත පොලිසිය සැකකරුව අත්අඩංගුවට ගෙන තිබේ.
 
ඔහු අද(15)  අධිකරණයට ඉදිරිපත් කිරීමට නියමිතය.
 
සිද්ධිය සම්බන්ධයෙන් ගල්කිරියාගම පොලිසිය වැඩිදුර පරීක්ෂණ පවත්වයි.