(ඉන්දික අරුණ කුමාර)
 
නාඋල නගරයේ ආරම්භ කිරිමට යෝජිත ඔට්ටු ඇල්ලීමේ ‘සූදු‘ ආයතනයකට  නාවුල ප්‍රාදේශීය සභාව  මගින් අවසර ලබා දුනනේ යැයි  කියමින් ඊට එරෙහිව ශ්‍රී ලංකා පොදු ජන පෙරමුණු මන්ත්‍රීවරු විරෝධතාවයක නිරත වූහ.
 
නාඋල ප්‍රදේශයේ භික්ෂුන් වහන්සේ දස නමක් හා ප්‍රදේශයේ විදුහල්පතිවරුන් 17 දෙනකුගේ අත්සන් සහිතව අද (03) නාඋල ප්‍රාදේශිය සභාවට ඉදිරිපත් කළ ලිපියක්  සභාවට ඉදිරිපත් කිරීමේදී මෙම විරෝධතා මතු විය.
 
එම ලිපියේ කරුණු ඉදිරිපත් කළ ජනතා විමුක්ති පෙරමුණු මන්ත්‍රී  සුනිල් ශාන්න මහතාට බාධා සිදුකරමින් පොදුජන පෙරමුණේ මන්ත්‍රි පිරිස විරෝධතාවයේ නියැලිණි.
 
නාඋල ප්‍රාදේශිය සභා සභාපති සනත් දසනායක (ශ්‍රී ලං පො ජ පෙ) මහතාගේ ප්‍රධානත්වයෙන් නාඋල ප්‍රාදේශිය සභා මාසික රැස්වීම අද (03) නාඋල ප්‍රාදේශිය සභා ප්‍රධාන ශාලාවේ දී පැවැත්විණි.
 
සුනිල් ශාන්ත මන්ත්‍රිවරයා විසින් ඉදිරිපත් කරන ලද ලිපියේ අදාල රේස් බයි රේස් ආයතනය බලපත්‍රයක් නිකුත් කර ඇතැයි සදහන් වීමත් සමඟ විරෝධතාවය හට ගැනිණි.
 
එවැනි බලපත්‍රයක් මේ වන තෙක් නාඋල ප්‍රාදේශිය සභාව නිකුත් කර නොමැති බවත් ඉදිරිපත් කරන ලද ලිපිය ජනතා විමුක්ති පෙරමුණේ ද්වේෂ සහගත ප්‍රකාශයක් බවත් පොදුජන පෙරමුණු මන්ත්‍රිවරු කියා සිටියහ.
 
දිගින් දිගටම පැවති විරෝධතා හේතුවෙන් සභාවේ කටයුතු යථා තත්ත්වයට පත්කර ගැනීමට සභාපති සනත් දසනායක මහතා උත්සහ දරන අයුරු දක්නට ලැබිණි.
 
කලක් තිස්සේ ආරම්භ කිරිමට උත්සහ දරන මෙම ප්‍රශ්න ගත ආයතනය සම්බන්ධයෙන් විරෝධතාවක් ගොඩ නැලීම මන්ත්‍රිවරුන්ගේ යුතුකමක් බව සදහන් කළ සුනිල් ශාන්ත මන්ත්‍රිවරයාට සභාවෙන් දැඩි බාදා එල්ල විය.
 
චෝදනා සහිත ලිපිය සභාපති වරයාට භාර දීමට උත්සහා දෑරු සුනිල් ශාන්ත මහතාට පොදුජන පෙරමුණු මන්ත්‍රිවරැන් දැඩි බාධා එල්ල කළ අතර සභාපතිවරයාට එම ලිපිය භාර නොගන්නා ලෙස මන්ත්‍රි පිරිස සිය විරෝධය පලකළේය.
 
මෙහිදි අදහස් දැක්වු නාඋල ප්‍රාදේශිය සභාපති සනත් දසනායක මහතා කියා සිටියේ කිසිදු අවස්ථාවක නාඋල නගරයේ ආරම්භ කිරිමට යෝජිත රේස් බයි රේස් ආයතනයට වෙළද බලපත්‍රයක් ලබා දී නොමැති බවයි.
 
එමෙන්ම ප්‍රාදේශීය සභා මාසික රැස්වීම අවසන් වූ පසු නාඋල නගරයේ දී විරෝධතාවක් පැවැත්වීමට ප්‍රාදේශීය සභා මන්ත්‍රිවරැ සියල්ල එකගතාව පලකළ ද පසුව එය වෙනත් දිනක පැවැත්වීමට තීරණය විය.