හිරාන් ප්‍රියංකර ජයසිංහ

නවගත්තේගම මහ අන්දරවැව ප්‍රදේශයේ ජනතාවට පිඩාකාරි ලෙස සැරිසරමින් සිටි හැළ කිඹුලකු අද ( 17 ) දහවල් වනජීවි නිළධාරින් විසින් අල්ලා තබ්බෝව අභය භුමියට අයත් ගල්විල් උද්‍යානයේ වැවකට මුදාහැරිමට කටයුතු කෙරුණි.

මහ අන්දරවැව පුද්ගලික ඉඩමක සැරිසරමින් සිටි මෙම හැල කිඹුලා ප්‍රදේශ වාසින්ට මහත් පිඩාකාරි අයුරින් සිටි බවත් මේ නිසාම ජනතාව දැඩි බියකින් පසුවු බවද වන ජීවි නිලධාරීහු පවසති.

වයස අවුරුදු 10 කට ආසන්න මෙම හැළ කිඹුලා දිගින් අඩි 8කට ආසන්න බවද බර කිලෝ 80 ක් පමන වන බව නවගත්තේගම වන ජීවි කාර් යාලයේ ස්ථාන භාර නිළධාරි අඩවි ආරක්ෂක නවරත්න බංඩාර මහතා පවසයි .

මහ අන්දර වැව ප්‍රදේශයෙන් අල්ලා ගත් මෙම කිඹුලා වන ජීවි නිළධාරින් විසින් දැඩි පරිශ්‍රමයක් දරා තබ්බෝව අභය භුමියට වනජිවි කැබ් රථයෙන් රැගෙන එමෙන් පසු ගල්විල උද්‍යානයේ කුඩා වැවකට මුදා හැරිමට කටයුතු කර තිබුනී.

හැළ කිඹුලා හොද නිරෝගී තත්වයෙන් පසුවු බව වන ජිවි නිලධාරීහු කියති.