(දයාරත්න ඇඹෝගම)
 
බාල වයස්කාර දරුවෙකු අපයෝජනය කළ බව කියන වියපත් පුද්ගලයෙකු නැලවගමදි අද(14) අත්අඩංගුවට ගත් බව නොච්චියාගම පොලිසිය කියයි.
 
මෙසේ අත්අඩංගුවට ගෙන ඇත්තේ පහළ හල්මිල්ලැව, නැලවගම පදිංචි 60 හැවිරිදි විවාහකයෙකි.
 
අපයෝජනයට ලක්වූ බව කියන දරුවා 13 හැවිරිදි  වියේ පසුවන්නකු බවද, මෙම දරුවාගේ මව විදෙස්ගතව ඇති බවද, ඔහු සිය මිත්තණියගේ නිවසේ සිට පාසල් යන එන බවද පොලිසිය කියයි.
 
සැකකරු මෙම දරුවා සිය නිවෙසට කැඳවා මුදල් ලබාදී කිහිප අවස්ථාවකදීම අපයෝජනය කර ඇති බව අනාවරණය වූ බවද පොලිසිය පවසයි.
 
සැකකරු අද(14) අධිකරණයට ඉදිරිපත් කිරීමට නියමිතය.
 
සිද්ධිය සම්බන්ධයෙන් නොච්චියාගම පොලිසිය වැඩිදුර පරීක්ෂණ පවත්වයි.