(ඩී.ජී.සුගතපාල)
 

පහළොස් හැවිරිදි දැරියකට අතවර කිරිමේ සිද්ධියක් සම්බන්ධයෙන් කුලියාපිටිය මහාධිකරණයේ වරෙන්තු ලබා සිටි විත්තිකරුවෙකු සිව්වසරක්  සැඟව  කරාපිටිය රෝහලේ  පෞද්ගලික  උපාස්ථායකයකු ලෙස සේවයේ යෙදී සිටියදී ගාල්ල පොලිසිය අද (10) අත්අඩංගුවට ගෙන ඇත.
 
මෙම සැකකරු කුලියාපිටියේ පදිංචි 49 හැවිරිදි දෙදරු පියෙකු වන අතර මෙයට වසර 15 කට පමණ පෙර විශේෂ අවශ්‍යතා සහිත මෙම  දැරිය දූෂණය කිරිමේ චෝදනාව යටතේ කුලියාපිටිය මහාධිකරණයේ විභාග වන නඩුවේ විත්තිකරුවෙකි.
 
විත්තිකරු මහාධිකරණයෙන් ඇප ලැබිමෙන් පසු අධිකරණය මගහැර මෙයට වසර හතරකට පමණ පෙර අකුරැස්ස ප්‍රදේශයට පැමිණ වෙනත් විවාහයක් කරගෙන පෞද්ගලික උපස්ථායක ආයතනයකට බැඳි කරාපිටිය රෝහලේ සේවයේ යෙදි සිටියදි ලැබුණු තොරතුරක් මත අත් අඩංගුවට ගෙන ඇත. 
 
සැකකාර විත්තිකරු අද ගාල්ල මහේස්ත්‍රාත් අධිකරණයට ඉදිරිපත් කර බන්ධනාගාරය මගින් කුලියාපිටිය මහාධිකරණයට ඉදිරිපත් කිරිමට නියමිතය.