(සුමතිපාල දීයගහගේ)

පස් හැවිරිදි දැරියක්  අපයෝජනය කිරීම සම්බන්ධයෙන් ඇගේ 82 හැවිරිදි සීයා සහ 16 හැවිරිදි ඥාති සොහොයුරා අද (29) අත්අඩංගුවට ගත් බව හබරාදුව පොලිසිය පවසයි.

මෙම දැරියගේ පියා මවගෙන් නීත්‍යානුකුලව වෙන්වී වෙනත් කාන්තාවක් සමඟ විවාහ වී සිටින අතර දැරිය පියාගේ සොහොයුරියගේ නිවසේ පදිංචිව සිට ඇත.

ඇගේ  පියාගේ පියාද මෙම නිවසේ පදිංචිව සිට ඇත. එහිදී සීයා සහ නැන්දාගේ පුතා තමාට අතවර කරන බව දැරියගේ පියා සහ කුඩම්මා එම නිවසට පැමිණි විටක ඔවුන් දෙදෙනාට පවසා තිබේ.

ඒ අනුව පොලිසියට කරන ලද පැමිණිල්ලක් අනුව දැරියගේ සීයා සහ නැන්දාගේ පුතා අත්අඩංගුවට ගෙන ඇත. සැකකරුවන් දෙදෙනා හෙට (30 ) අධිකරණය වෙත ඉදිරිපත් කිරීමට නියමිතව ඇත.