දුරගමන් බස්රථවලට ජංගම පුස්තකාල

(බිමල් ශ්‍යාමන් ජයසිංහ)

බණ්ඩාරගම ප්‍රාදේශීය සභාවේ තලපිටිබද්ද මහජන පුස්තකාලය හා බස්නාහිර පළාත් මාර්ගස්ථ මගී ප්‍රවාහන අධිකාරිය එක්ව ‘පොතක් සමඟ ගමනක්’ යන තේමාවට අනුව පානදුර - රත්නපුර පෞද්ගලික බස් රථයක ජංගම පුස්තකාලයක් ස්ථාපනය කිරීමේ ප්‍රථම වැඩසටහන පානදුර ප්‍රධාන පෞද්ගලික බස් නැවතුම්පළේදී අද(21) පැවැත්විණි.

බණ්ඩාරගම ප්‍රාදේශීය සභාවේ සභාපති දේවේන්ද්‍ර පෙරේරා මහතාගේ සංකල්පයක් මත ක්‍රියාත්මක මෙම වැඩසටහන පානදුර නගරයෙන් ආරම්භ කරන අතර අනෙකුත් දුරගමන් බස්රථවලද ස්ථාපිත කිරීමට නියමිතය.

දුරගමන් සේවාවල යෙදෙන මගීන්ට කියවීමේ රුචිය ඇතිකරලීමත්, ගමන් විඩාව නිවාගැනීමත්, මගීන් දැනුමින් පෝෂණය කිරීමත් යන අරමුණු ඇතිව මෙම කටයුත්ත ආරම්භ කළ බව සභාපතිවරයා පැවසීය.

බණ්ඩාරගම ප්‍රාදේශීය සභාවේ සභාපති දේවේන්ද්‍ර පෙරේරා, බස්නාහිර පළාත් මාර්ගස්ථ මගී ප්‍රවාහන අධිකාරියේ සභාපති තුසිත කුලරත්න, බණ්ඩාරගම ප්‍රාදේශීය සභාවේ ලේකම් ස්වර්ණා පෙරේරා මහත්මමහත්මීන් ඇතුළු පිරිස බස්රථයේ හිමිකරු වන එච්. ඒ. අයි. පී. පෙරේරා මහතා වෙත පුස්තකාලය සඳහා අවශ්‍ය පොත් බාරදුන්හ.

අදහස් (1)

දුරගමන් බස්රථවලට ජංගම පුස්තකාල

JAYATH Wednesday, 27 March 2019 04:35 AM

හොඳම හොඳ වැඩක් නමුත් ප්‍රශ්නේ මේ අර ස්මාර්ට් පොන් වලට "කොට කොටා ඉන්න " නූතන "කොට්ටෝරු " පරපුරට මේ ව වැඩක් වෙයිද කියලයි..... මොකද දුරකථන පාවිච්චි කරාට මේ රැල අන්තර්ජාලයෙන් ගතයුතු දේ ගන්නේ නැහැ . මම පොඩි කතාවක් කියන්නම් මේක සනාත වෙන . දවසක් මගේ මිතුරෙක් , එයාගේ පුතත් එක්ක මම හමුවෙන්න අවා එක්තරා "විදුලි පරිපතවගයක් " ගැන අහගන්න "ස්මාර්ට් " පුත්‍ර රත්නයේගේ අතේ "ස්මාර්ට් "දුරකතනයක් මම ඇහුව ඔය ෆෝන් එකෙන් ඉන්ටර්නෙට් ගිහිල්ල අදාළ පරිපත නාමය (මගෙන් ඉල්ලපු එක ) ටයිප් කරන්න බැරිද කියල පොර එක දන්නේ නැතිලු !!! මම එක කරලා පෙන්නුවම තමයි අර තාත්ත ගේත් ඇස ඇරුනේ !ඔන්න තත්වය මෙහෙම උන්දලට පොත් දුන්නට පලයක් වෙයිද ? දීල බලමු නේද ?

: 0 0