(නිමල් ජයරත්න)
 
දිඹුලාගල මාධ්‍ය කාර්යාලයේ ගෙවත්තට අනවසරයෙන් ඇතුළු වී එහි වැටකම්බි කණු කඩා දමා දේපළ හානි කිරීම සම්බන්ධව ශ්‍රී ලංකා පොදු ජන පෙරමුණේ දිඹුලාගල ප්‍රාදේශීය සභාවේ විපක්ෂ නායකවරයා වන ලයනල් රංජිත් කහගල්ල මහතාට නඩු පැවරීමට කටයුතු කළ බව පොළොන්නරුව පොලිසිය කියයි.
 
දිඹුලාගල මාධ්‍ය කාර්යාලය වසා තිබූ මොහොතක ඉකුත් 27 වැනිදින සමව විපක්ෂ නායකවරයා මෙම ඉඩම තමාට අයිති බව පවසමින් එහි ඇතුළු වී හානි කර ඇති බව දිඹුලාගල මාධ්‍ය සංගමයේ ලේකම් නිමල් ජයරත්න මහතා පොළොන්නරුව පොලිස් මූලස්ථානයට පැමිණිලි කර තිබේ.
 
විපක්ෂ නායකවරයාත් මාධ්‍ය සංගමයේ ලේකම්වරයාත් අද පොලිසියට කැඳවා පැමිණිල්ල විභාග කිරීමෙන් පසු අදාළ අලාභය ගෙවීමට පොළොන්නරුව මහේස්ත්‍රාත් අධිකරණයේ නඩු පැවරීමටත් කටයුතු කළ බව පොළොන්නරුව මූලස්ථාන පොලිස් පරීක්ෂක එම්.එස්.එම් ජරූල් මහතා පැවසීය.
 
ඒ අනුව සැප්තැම්බර් 10 වැනිදා දිඹුලාගල සභාවේ පොහොට්ටුවේ විපක්ෂ නායකවරයා මහේස්ත්‍රාත් අධිකරණයට කැඳවීමට නියමිතය.