(රංජිත් රාජපක්ෂ)
                        
තලවකැලේ සිට ඩයගම දක්වා තිරිඟු පිටි ප්‍රවාහනය කරමින් තිබූ කන්ටේනර් රථයක් ප්‍රපාතයකට පෙරළීමෙන් එහි රියදුරු ඇතුළු සිව්දෙනෙකු  බරපතල ලෙස තුවාල ලබා අද(05) ලිදුල රෝහල වෙත ඇතුළත් කර ඇතැයි ලිදුල පොලිසිය කියයි.
 
තුවාලකරුවන්ගේ තත්ත්වය බරපතල නිසා ඔවුන් නුවරඑළිය මූලික රෝහල වෙත මාරු කර යැවු බව ලිදුල පොලිසිය පවසයි.
 
තලවකැලේ ඩයගම ප්‍රධාන මාර්ගයේ ලිදුල බෙයාර්විල් වත්ත ප්‍රදේශයේදී මෙම අනතුර සිදුව ඇත.
 
ටොන් 15 ක පමණ තිරිඟු පිටි මෙම කන්ටේනරයේ ප්‍රවාහනය කර ඇතැයි පොලිසිය කියයි.
 
කන්ටෙයිනර් රථය  පාලනය කරගැනීමට නොහැකිව වංගුවක් ගැනීමේදි මාර්ගයෙන් ඉවතට පැන ප්‍රපාතයට පෙරළී ඇත.
 
කන්ටෙයිනර් රථයේ රියදුරු, රිය සහයකයා, තිරිඟු පිටි අලෙවි කරන ඒජන්සියේ නිලධාරියෙකු සහ තවත් සේවකයන් දෙදෙනෙකු තුවාල ලබා ඇති බව ලිදුල පොලිසිය කියා සිටියි.
 
අනතුරට පත් ලොරි රථයේ තිබෙන තිරිගු පිටි ඉවත් කිරීමේ කටයුතු මේ වන විට ආරම්භ කර ඇති අතර අනතුරෙන් රථයටද දැඩි අලාභ හානි සිදු වී ඇත.