2023 මාර්තු මස 20 වන සඳුදා
අස්ගිරි පාර්ශවය හා මල්වතු පාර්ශවය ගැන යම් යම් අය කළ ප්‍රකාශ ගැන අපි කනාගාටු වනවා වගේම රජය ගැන කරන ප්‍රකාශ අපි රට බෙදනවා, රට කඩනවා උතුර වෙන් කරල දෙනවා බුද්ධාගම ඉවරයි, ආණ්ඩුක්‍රම ව්‍යවස්ථවෙන් බුද්ධාගමට හිමි තැන අයින් කරනවා, හමුදා කදවුරු අයින් කරනවා, මේ රට පාවලා දෙනවා යැයි කියන මේ සියලු දේ ප්‍රජාතන්වාදි රටක නිදහස් මාධ්‍ය හා අන්තර්ජාලයේ සිදුවන අයහපත් දේ ලෙස දකින බව මෛත්‍රිපාල සිරිසේන මහතා පේරාදෙණියේදී පැවැසිය.
ඡනාධිපතිවරයා මෙසේ පැවැසුයේ වරකාගොඩ ඥානරතන අස්ගිරි පාර්ශවයේ මහානායක සහ දිඹුල්කුඹුරේ විමලධම්ම මල්වතු මහාවිහාර පාර්ශවයේ අනුනායක හිමිවරුන්ගේ ප්‍රධානත්වයෙන් පේරාදෙණිය ඊරියගම ගොඩගන්දෙණිය ඓතිහාසික කුරුකුදේ පුරාණ රජමහා විහාරස්ථානයේ ත්‍රිවිධ චෛත්‍ය සදහා මුල්ගල් තැබිම සහ විහාරයේ ධර්ම මන්දිරය විවෘත කිරීමේ උත්සවයේදීය.
‘අධි තාක්ෂණයේ අපි දකින යහපත් දේ වගේම අයහපත් දේත් තිබෙන බව ඔබ දන්නවා. මුද්‍රිත මාධ්‍ය, විද්‍යුත් මාධ්‍ය අන්තර්ජාලය සමාජයට දෙන යහපත් දේ වගේම සියලු මාධ්‍යන්වල නුසුදුසු දේත් දකිනවා. චරිත ඝාතන, ආරවුල්, අසමගිකම් ඉතා අසත්‍ය බොරු ප්‍රචාර අපි දකිනවා. ඒ අකාරයට ගියාම මේ යහපත් සමාජයක් හදන්න බොහෝ සේ අසිරු වෙලා තියෙනවා‘ යැයි ද ජනපති කීය.
