(ඩී.ජී.සුගතපාල)

ගාල්ල බද්දේගම පාර බෙලිගහහන්දිය ප්‍රදේශයේ මෝටර් රථ අමතර කොටස් අලෙවිසලක අද(19) පෙරවරුවේ ඇතිවු ගින්නකින් එම වෙළඳසලට බරපතල හානි සිදුව ඇතැයි ගාල්ල පොලිසිය පවසයි.

ගින්න නිසා මෙම වෙළඳසලට යාබදව ඇති ලි වෙළඳසලකටද සුළු හානි සිදුව ඇත.

සිද්ධිය වාර්තා වු වහාම පැමිණි ගාල්ල නගර සභාවේ ගිනි නිවිම් ඒකකය පොලිසියේ සහ ප්‍රදේශවාසින්ගේද සහාය ඇතිව ගින්න නිවාදැමිමට පියවර ගන්නා ලදි.

මේ නිසා ගාල්ල බද්දේගම ප්‍රධාන මාර්ගයද පැයකට ආසන්න කාලයක් වසා දැමිම නිසා වාහන ගමනා ගමනයටද බාධා පැමිණ තිබිණි.

ගාල්ල නගරාධිපති ප්‍රියන්ත සහබන්ධු මහතා පැවසුවේ ගිනි නිවිම් රථ තුනක් යෙදවු බවය.

ගින්නට හේතුව මෙතෙක් අනාවරණයවි නොමැති අතර ගාල්ල පොලිසිය විසින් වැඩිදුර පරිකෂණ පවත්වාගෙන යනු ලැබේ.