(රංජිත් රාජපක්ෂ)       

නාවලපිටිය ,  ඉඟුරුඔය මාපකන්ද ප්‍රදේශය හරහා මහවැලි ගඟට ජලය ගලා බසින ප්‍රධාන අතුශාඛාවක් වන ගලබොඩ ඇළේ දිය නෑමට ගිය තරුණයන් දෙදෙනෙක්  දියේ ගිලී මියගිය  ඇති බව නාවලපිටිය පොලිසිය පවසයි.

මෙසේ මිය ගොස් ඇත්තේ හැටන්හිජිරාපුර ප්‍රදේශයේ පදිංචි අබ්දුල් රහුමාන් (13) හැවිරිදි අයෙකු සහ මොහොමඩ් මුත්තාර් (42) නැමැති අයෙකි.

ජිවිතක්ෂයට පත් වු තරුණයන්  දෙදෙනා ඥාති පිරිසක් සමග ගලබොඩ ඇළේ දිය නෑමට ගොස් ඇති අතර, එහිදී තරුණයන් තිදෙනෙක් ජලයේ ගිලි ඇති අතර ඉන් එක් තරුණයෙක් බේරා ගැනිමට ඔහුන්ගේ ඥාතින් සමත් වී තිබේ.

අද (22) උදැසන 9 ට පමණ මෙම අනතුර සිදු වි ඇති අතර මිය ගිය තරුණයන්ගේ සිරුරු එම ඇළේ තිබී නාවලපිටිය පොලිසියේ නිලධාරින් සහ ප්‍රදේශවාසින් එක් ව ගොඩගෙන නාවලපිටිය මූලික රෝහලේ මෘත ශරිරාගරයේ තැන්පත් කර ඇත.

ජිවිතක්ෂයට පත් තරුණයන් දෙදෙනා සම්බන්ධයෙන් නාවලපිටිය පොලිසිය පරික්ෂණ පවත්වයි.