(අනීෂා මානගේ)
 
ගිනි අවි දෙකක් සහ විවිධ වර්ගයේ ජීව පතුරොම් 12 ක් නිවසෙහි සඟවා තිබූ බව කියන ලංකා ගමනාගමන මණ්ඩල සේවකයකු අද (17) අත්අඩංගුවට ගත්බව අඟුණකොළපෑලැස්ස පොලිසිය පැවසීය.
 
හම්බන්තොට දිස්ත්‍රික් වාර්තාගත විශේෂ ඝනයේ අපරාධ සහ දූෂණ මර්ධනය සඳහා අඟුණකොළපෑලැස්ස පොලිසියේ පිහිට වූ ඒකකයේ නිලධාරීන්  මෙම වැටලිම සිදුකර තිබේ.
 
මෙලෙස අත්අඩංගුවට පත්ව ඇත්තේ වීරකැටිය කැප්පෙටියාව ප්‍රදේශයේ පදිංචි 42 හැවිරිදි අයකු බව පොලිසිය කියයි.
 
මෙම සැකකරු ලංකා ගමනාගමන මණ්ඩලයට අයත් හක්මන ඩිපෝවේ කොන්දොස්තරවරයකු ලෙස සේවය කරන්නෙකු බව පොලිසිය පැවසීය.
 
සැකකරුගේ නිවෙසෙහි සඟවා තිබූ බව කියන ටී 56 උණ්ඩ යොදන ගල්කටස් වර්ගයේ ගිනිඅවියක් , බෝර දොළහ පතුරොම් යොදන ගල්කටස් වර්ගයේ ගිනිඅවියක්, ටී56 වර්ගයේ ජීව පතුරොම් දෙකක්, 84 එස් වර්ගයේ ජීව පතුරොම් දෙකක් සහ බෝර දොළහ වර්ගයේ ජීව පතුරොම් අටක් පොලිස් භාරයට ගෙන තිබිණ.