(පුෂ්පකුමාර මල්ලවආරච්චි)

කොළඹ කුරුණෑගල මාර්ගයේ ගල්කන්ද හන්දිය අසල දී  අද (04) ත්‍රීරෝද රථයක් ලොරි රථයක ගැටීමෙන් සිදු වූ අනතුරකින් බරපතළ තුවාල ලැබූ කාන්තාවක් ගම්පහ දිස්ත්‍රික් මහ රෝහලට ඇතුළත් කිරීමෙන් පසු මියගොස් ඇතැයි මිනුවන්ගොඩ පොලිසිය පැවසීය.

අනතුරින් මියගොස් ඇත්තේ වත්තල මහබාගේ ප්‍රදේශයේ පදිංචිකාරියක් බවට තොරතුරු ලැබී ඇතැයි පොලිසිය පැවසීය.

මෙම අනතුරින් තුවාල ලැබූ තවත් කාන්තාවක් සහ පුද්ගලයෙකු දිවුලපිටිය දිසා රෝහලට ඇතුළත් කිරීමෙන් පසු වැඩිදුර ප්‍රතිකාර සඳහා ගම්පහ දිස්ත්‍රික් මහ රෝහලට ඇතුළත් කර ඇති බව පොලිසිය සඳහන් කළේය.

මෙම පිරිස අවමංගල්‍යය උත්සවයකට යමින් සිටියදී මෙම අනතුර සිදුවී ඇතැයි පොලිසිය කියයි.

අනතුරට සම්බන්ධ ලොරි රථයේ රියදුරා අත්අඩංගුවට ගැනීමට කටයුතු කරන බව මිනුවන්ගොඩ පොලිසිය පැවසීය.