(හිරාන් ප්‍රියංකර ජයසිංහ )

ඳිරිනීතිය පවතින කාළය තුළ යම් පිරිසක්   කොට්ටුකච්චිය  ජලාශයේ  පාවුල  ඇති දැවැන්ත  මාර ගස් කැපීමේ ජවාරමක නිරත වී ඇති  පුත්තලම දිසා  වන නිලධාරී ඩී.එම්.බී. එම් බණ්ඩාර මහතා පැවසීය.
 
ඊයේ රාත්‍රියේ (15)  කොට්ටුකච්චිය ජලාශයේ පාවුල ඇති වසර 100ක් පමණ පැරණි දැවැන්ත මාර ගස් යම් පිරිසක් කපනු දුටු  ප්‍රදේශවාසීන් විසින් වන සංරක්ෂණ නිලධාරීන්  හා ආරක්ෂක අංශ දැනුවත් කර තිබුණි.
 
මෙම සිද්ධිය වාර්තා වීමත් සමඟ පුත්තලම දිසා වන නිලධාරී ඩී. එම්. බී.එම්. බණ්ඩාර මහතා ඇතුළු නිලධාරීන් පිරිස අදාළ ස්ථානයට පැමිණෙනවිට දැව ජාවාරම්කරුවන් පලා ගොස් තිබූ බවත් ඒ වන විටත් දැවැන්ත මාර ගසක කොටසක් කපා කොටස් කර තිබූ බවත් පොලිසිය කියයි. 
 
ඇඳිරි නීතිය පවතින කාලයේ මෙසේ දැව ජාවාරම්කරුවන් සිදුකරන වන සංහාරයන් පිළිබඳව කඩිනමින් දැනුම් දෙන ලෙසද දිසා වන නිලධාරිවරයා ජනතාවගෙන් ඉල්ලා සිටී.
 
කොට්ටුකච්චිය ජලාශයේ අලංකාරය වැඩි කළ මෙම මාර ගස්, ජාවාරම්කරුවන් විසින් වැනසීමට එරෙහිව ජනතාව මේ වන විට දැඩි විරෝධයක් මතු කර තිබේ.