හිරාන් ප්‍රියංකර ජයසිංහ

ආඩිගම කිරියන්කල්ලිය මාර්ගයේ ගමන් කරමින් තිබූ වෑන් රථයක් අද (9)  පාලමක ගැටි සිදුවු අනතුරින් තරුණයකු මිය ගොස් 7 දෙනෙකු තුවාල ලබා මුන්දලම හා හලාවත රෝහලට ඇතුළත් කළ බව මුන්දලම පොලිසිය කියයි.

මෙසේ මරණයට පත්වි ඇත්තේ මනිරන්ජන් සරෝජ් කුමාර (24 ) නැමති තරුණයෙකි.

ආඩිගම සිට මුන්දලම දක්වා අධික වේගයෙන්  ගමන් කරමින් තිබු සුඛෝපභෝගි වෑන් රථයක් රියදුරුට පාලනය කර ගැනීමට නොහැකි වීමෙන් අනතුර සිදුව තිබේ.

තුවාල ලැබු පිරිසෙන් දෙදෙනෙකු මුන්දලම රෝහලේ ප්‍රතිකාර ලබන බවත් 5 දෙනෙකු හලාවත මහ රෝහලට ඇතුළත් කර ඇති බවත් පොලිසිය කියයි.

සිද්ධියෙන් තුවාල ලබා ඇත්තේ ආඩිගම,  කිරියන්කල්ලිය , හලාවත , කොළඹ යන ප්‍රදේශවල පදිංචිකරුවෝ වෙති.

සිද්ධිය සම්බන්ධව මුන්දලම පොලිසිය වැඩිදුර පරික්ෂණ පවත්වයි .