(මොහොමඩ් බුහාර්ඩින්)
කාපට් අතුරා ප‍්‍රතිසංස්කරණය කරමින් පවතින ගලේවෙල පට්ටිවෙල මානහිද මාර්ගය වසා ඇති අවස්ථාවක අද ( 22 ) අලූයම අනවසරයෙන් එහි තේක්ක කොට පැටවු ලොරි රථ කිහිපයක් ධාවනය කිරිම නිසා මාර්ගයට හානි සිදුවි ඇතැයි  කියමින් ප‍්‍රදේශවාසීහු රථ හරස්කර නවතා සිය විරෝධය කළහ.
 
දිගු කලක සිට අබලන්ව පැවති ගලේවෙල පට්ටිවෙල මානහිද මාර්ගය ගලේවෙල ප‍්‍රදේශිය සංවර්ධන කමිටු සම සභාපති පි‍්‍රයාන් විජේරත්න මහතා මැදිහත්විමෙන් වත්මන් රජයේ කි‍්‍රයාත්මක රන් මාවත් වැඩසටහන යටතේ පසුගිය ජුලි 14 දා මුල්ගල තබා වැඩි ආරම්භ කරනු ලැබිය.
 
ඒ අනුව පසුගිය 17 දා  සිට මෙම 23 දා දක්වා මෙම මාර්ගය වසා දමා  කිලෝමීටර් 4ක කොටස්  කාපට් අතුරා සංවර්ධනය කිරීමේ කටයුතු සිදුවෙමින් පැවතිණි.
 
අද  22 දා අලූයම තෙක්ක කොට තොගයක් කොළඹට ප‍්‍රවාහනය කරමින් තිබු ලොරි රථ 2 ක් මෙම මාර්ගයේ වසා දමා ඇති බාධක කවුලූ ඉවත්කර 22 දා රාති‍්‍රයේ කාපට් අතුරා තිබු කොටස වෙලෙන්නට මත්තෙන් මේ ඔස්සේ ධාවනය කරමින් සිට ඇති අතර ඒහිදි ප‍්‍රදේශවාසින් වහාම මාර්ගය මැදට පැන කොට පැටවු ලොරි රථ දෙක මාර්ගයේ ඉදිරියට ධාවනය නොකර නතර කර ඇත.
 
සිද්ධිය වු ස්ථානයට ප‍්‍රදේශවාසින්  රැස්විමත් සමඟ ලොරි රථ රියදුරන් හා ප‍්‍රදේශවාසින් අතර උණුසම් තත්වයක් ඇතිවු අතර සිද්ධිය සැළවිමත් සමඟ මෙම ස්ථානයට ගලේවෙල පොලිස් නිලධාරීහු පැමිණ පරික්ෂණ  පැවැත්වූහ.