(මුදිතා දයානන්ද)
අපි රට ණය කරන වාණිජ ණය ගන්නේ නැහැ. මාළඹේ කොටුව සැහැල්ලූ දුම්රිය මාර්ගය ඉදිකිරිමට ජයිකා ආයතනයෙන් ණය ගනු ලබන්නේ 0.1% පොලියක් මත යැයිද මහනගර හා බස්නාහිර සංවර්ධන අමාත්ය පාඨලී චම්පික රණවක මහතා අද (29) පැවසීය.
රණවක මහතා මේ බව සඳහන් කළේ මාළඹේ- කොටුව සැහැල්ලූ දුම්රිය මාර්ගය ඉදිකිරිමේ ශක්යතා වාර්තාව ජයිකා ආයතනයේ ප්රධාන නියෝජිත උසාකෝ තනාකා මහතා විසින් මහනගර හා බස්නාහිර සංවර්ධන අමත්යංශයේ ලේකම් නිහාල් රූපසිංහ මහතා වෙත නිල වශයෙන් භාර දීමේ අවස්ථාවට සහභාගී වෙමිනි.
මෙහිදි සැහැල්ලූ දුම්රිය මාර්ග ඉදිකිරිමේ ව්යාපෘතියට අදාල වෙබි අඩවිය විවෘත කිරීමද අමාත්ය පාඨළී චම්පික රණවක මහතා අතින් සිදුකෙරුණ අතර අඅඅගජකරගකන ඔස්සේ ඕනෑම කෙනෙකුට එහි තොරතුරු ලබාගත හැකිය.
කොළඹට පිවිසෙන ප්රධාන මහාමාර්ග අතරින් වැඩිම වාහන ප්රමාණයක් ගන්නා මාර්ගය ලෙස හඳුනාගෙන තිබෙන කඩුවෙල කොටුව මාර්ගයෙන් කොළඹට පැමිණෙන වාහන ප්රමාණය අවම කිරිම හා මිනිස් ශ්රම කාලය අපතේ යාම අවම කිරිම ඇතුලූ අරමුණ රැසක් ඉලක්ක කරගත් මෙම ව්යාපෘතිය 2020දී වැඩ ආරම්භ කර 2024 දී ජනතා අයිතියට පැවරීමට අමාත්යංශය බලාපොරොත්තු වේ.
මෙම දුම්රිය ගමනාන්තයට ගත කරන කාලය මිනිත්තු තිහක් වන අතර එක නැවතුම්පොළකට ගතකරන කාලය තත්පර තිහකි. ගමනාන්තය දක්වා දුර කිලෝමීටර 16ක් වන අතර නැවතුම් පොළ 16ක්ද ඉදිකෙරේ. කාර්යාල සංකීර්ණ පවතින ස්ථාන ආශ්රිතව පවතින නැවතුම්පොළවල සිට අදාල ආයතන පරිශ්රය ආසන්නයටම දුම්රිය මාර්ගයට සමාන්තරව ඉහළින් පදික මාවතක්ද ඉදිකෙරේ.
මෙහිදි තවදුරටත් අදහස් දැක්වු අමාත්ය පාඨලී චම්පික රණවක මහතා මෙසේද පැවසීය.
අපි කිසිම ව්යාපෘතියක් රට ණය බරෙන් මිරිකෙන සේ සිදුකරන්නේ නැහැ. මේ දුම්රිය මාර්ගය හා සමානව තවත් මාර්ග තුනක් ඉදිකිරිමට අපි සැලසුම් කර තිබෙනවා. ඒවා සියල්ල රාජ්ය පෞද්ගලික ඒකාබද්ධ ව්යාපෘති ලෙස තමයි ක්රියාත්මක කරන්නේ.
රට සංවර්ධනය සඳහා කියලා චීනෙන් ණය අරන් තමන්ගේ පෞද්ගලික මැතිවරණ ව්යාපාරවලට යොදවා සමහරු රට ණය කළා. ඒ ගැනත් ඉදිරියේදී පරික්ෂන ක්රියාත්මක වෙනවා.
මෙම අවස්ථාවට මහනගර හා බස්නාහිර සංවර්ධන අමාත්යංශයේ හා ජයිකා ආයතනයේ නිලධාරින් පිරිසක් එක්ව සිටියහ.
ඡායාරූප - ඉෂාන් සංජිව
ශ්රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
‘ශ්රී ලංකාව ණය කරන වාණිජ ණය අපි ගන්නේ නැහැ‘- පාඨලී
Mo77 Friday, 29 June 2018 02:04 PM
කොපමණ අධ්යයනයන් මේ ව්යාපෘතිය සඳහා සිදුකර තිබේද?
senarath Friday, 29 June 2018 06:24 PM
ණයක් නොවී ණයගන්න අලුත් ක්රමයක් සොයාගෙන වෙන්න ඇති. එහෙම ණය අරගනිපු නිසා වෙන්න ඇති 2015 දී රුපියල් 133 ට තිබුණු ඩොලරය අද රුපියල් 161 ක් වුනේ... ණය ගත්තට කමක් නැහැ. ඒ මුදලෙන් රටට වැඩදායක දෙයක් කරනවා නම්.... දැන් කෙරෙන කිසිම දෙයක් නැහැ. එ්ත් ණය කන්ද හිටු කියලා වැඩිවෙනවා. ඇමතිලා සැපවිඳිනවා. දුප්පත් මිනිහට එක වේලක් කන්නත් බැහැ. ඇමැතිලා බලාගෙන ඉන්නේ තමන්ට ගාණ කපාගන්නේ කොහොමද කියලා.