IMG-LOGO

දේශපාලන වැඩවලට හවුල්නොවී රජයේ ඉදිරිගමනට සහායවන්න

(*** නාලක සංජීව දහනායක)

රජයේ ඉදිරි ගමනට සහය වන්නැයි ජනාධිපති ගෝඨාභය රාජපක්‍ෂ මහතා වියත්මග සංවිධානයේ වියතුන්ගෙන් පෙරේදා (13) ඉල්ලීමක් කළේය.

දේශපාලන අධිකාරිය මැදිහත් විය යුතු තැන් හඳුනාගෙන ඊට සම්බන්ධ නොවී රටේ ඉදිරි ගමන වෙනුවෙන් සැලසුම් හා ප්‍රතිපත්ති සැකසීමේ වගකීම වියත්මග සංවිධානය ඉදිරියේ තිබෙන බව ද ඔහු කීවේය.

 ජනාධිපතිධුරයට පත්වීමෙන් පසුව වියත්මග සංවිධානයේ සභාපතිවරයා ලෙස ඇතුල්කෝට්ටේ පිහිටි වියත්මඟ කාර්යාලයට පෙරේදා (13) පළමුවරට පැමිණි අවස්ථාවේදී හෙතෙම මේ බව සඳහන් කළේය.

වියත්මග සංවිධානය විවිධ ක්‍ෂේත්‍ර ඇතුළත් පුළුල් පරාසයක විහිදුණු, උගතුන්ගෙන් බුද්ධිමතුන්ගෙන් සහ ව්‍යවසායකයන්ගෙන් සැදුම්ලත් සංවිධානයකි.

එහිදී අදහස් දක්වමින් ජනාධිපති ගෝඨාභය රාජපක්‍ෂ මහතා සඳහන් කළේ වියත්මඟ සංවිධානයට ප්‍රාදේශීය මට්ටමින් ප්‍රතිපත්ති සම්පාදනයට දායකවීමට හැකියාව තිබෙන බවය.

ග්‍රාමීය, නාගරික ඇතුළු සියලු ජනකොටස් ආර්ථික සහ සමාජීය වශයෙන් නගා සිටුවීමට ප්‍රමුඛත්වය දෙමින් රාජ්‍ය අමාත්‍යංශ ස්ථාපනය කර තිබෙන බවකී ජනාධිපතිවරයා එකී අරමුණ ජයගැනීමට දායක විය හැකි ආකාරය පිළිබඳව වියත්මඟ සංවිධානයේ විධායක සභාවට පෙන්වා දුන්නේය.

උප කමිටු සකස් කර යෝජනා සහ සැලසුම් ඉදිරිපත් කර රාජ්‍ය අමාත්‍යංශවල ඉදිරි ක්‍රියාකාරීත්වයට මඟ පෙන්වීමටත් අමාත්‍යවරයා හමුවේ තිබෙන අභියෝගාත්මක අවස්ථාවලදී උපදෙස් දෙමින් සහය වීමටත් හැකි බවත් ජනාධිපති ගෝඨාභය රාජපක්‍ෂ මහතා පැවසීය.

සියලු සංවර්ධන ක්‍රියාදාමයන් පරිසරය ආරක්‍ෂාවන අයුරින් කරගෙන යාමට සියල්ලන්ම වගබලාගත යුතු බව ද ඔහු කීවේය.

විවිධ ක්‍ෂේත්‍ර නියෝජනය කෙරෙන පරිදි නව සාමාජිකයන් බඳවා ගැනීමේ අවශ්‍යතාව පිළිබදව ද මෙහිදී අවධානය යොමුවිය.

රාජ්‍ය අමාත්‍යවරුන් වන අජිත් නිවාඩ් කබ්රාල්, නාලක ගොඩහේවා, සරත් වීරසේකර, විශේෂඥ වෛද්‍ය සීතා අරඹේපොළ මහත්ම මහත්මීන්ද, හම්බන්තොට දිස්ත්‍රික් පාර්ලිමේන්තු මන්ත්‍රී උපුල් ගලප්පත්ති මහතා ඇතුළු පිරිසක්ද මෙම සාකච්ඡාවට සහභාගි වූහ.

 



අදහස් (0)

දේශපාලන වැඩවලට හවුල්නොවී රජයේ ඉදිරිගමනට සහායවන්න

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි 2025 ජුලි මස 04 184 0
ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි

ශ‍්‍රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 692 1
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 1091 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

Our Group Site