හිජාස් හිස්බුල්ලා අධිකරණයට ඉදිරිපත් කරන්නැයි පෙත්සම් දෙකක්

( තිළිණි ද සිල්වා සහ රංජන් කටුගම්පොළ )

පාස්කු ඉරුදින ප්‍රහාර සිද්ධිය සම්බන්ධයෙන් දැනට අපරාධ පරීක්ෂණ දෙපාර්තමේන්තුව මඟින් සැකපිට අත්අඩංගුවට ගෙන සිටින නීතීඥ හිජාස් හිස්බුල්ලා මහතා වහාම අධිකරණයට ඉදිරිපත් කරන හබයාස්කෝපූස් රිට් ආඥාවක් නිකුත් කරන්නැයි ඉල්ලා එම නීතීඥවරයාගේ පියා සහ සොහොයුරා අභියාචනාධිකරණය හමුවේ රිට් පෙත්සම් දෙකක් ගොනු කරනු ලැබූහ.

මෙම රිට් පෙත්සම්හි වගඋත්තරකරුවන් වශයෙන් වැඩබලන පොලිස්පති සී.ඩී.වික්‍රමරත්න මහතා සහ අපරාධ පරීක්ෂණ දෙපාර්තමේන්තුවේ අධ්‍යක්ෂකවරයා සහ නීතිපති නම් කරනු ලැබ සිටිති.

එසේම නීතීඥ හිජාස් හිස්බුල්ලා මහතා සැකපිට අත්අඩංගුවට ගැනීම නීතියට පටහැනි බවත් , ඔහුව වහාම පොලිස් අත්අඩංගුවට ලෙසට නියෝගයක් නිකුත් කරන්නැයි ද පෙත්සම්කරුවෝ සිය පෙත්සම් වලින් වෙන වෙනම ඉල්ලා සිටිති.

නීතීඥ සනත් විජේවර්ධන සහ නීතීඥ ගෞරී සංගරී තවරාසා මහත්ම මහත්මීන් මාර්ග⁣යෙන් ගොනු කර ඇති මෙම පෙත්සම් මඟින් පෙත්සම්කරුවෝ මෙසේද කියා සිටිති.

" දැනට සැකපිට අත්අඩංගුවට ගෙන සිටින නීතීඥවරයා " සේව් ද පර්ල් " නැමැති අරමුදලේ භාරකරු වේ.මෙම අරමුදල මඟින් අනාථ දරු දැරියන්ට ආධාර උපකාර කරනු ලබයි.මේ පිළිබදව මීට පෙර අපරාධ පරීක්ෂණ දෙපාර්තමේන්තුව මඟින් නීතිඥවරයා ගෙන් ප්‍රශ්න කර ප්‍රකාශ ලබා ගෙන ඇත.

ඊට අමතරව පාස්කු ඉරුදින ප්‍රහාර සිද්ධියේ සැකකරුවෙකු වන ඉබ්‍රාහිම්ගේ නඩු කටයුතු වලට පෙනී සිටීම පිළිබදව අපරාධ පරීක්ෂණ දෙපාර්තමේන්තුව ප්‍රශ්න කර නීතීඥවරයා ගෙන් ප්‍රකාශ ලබා ගෙන ඇත.

තත්ත්වය මෙසේ තිබයදී පසුගිය 14 වැනිදා නීතීඥවරයා සිය නිවසේ සිටියදී අපරාධ පරීක්ෂණ දෙපාර්තමේන්තුවේ නිලධාරීන් කණ්ඩායමක් නිවසට පැමිණ ඔහුට දුරකථන අංක කිහිපයක් ඉදිරිපත් කර ඒ පිළිබදව ඔහුගෙන් ප්‍රශ්න කර ඇත.ඊට අමතරව ඉබ්‍රාහිම් නැමැත්තා ගේ කොළඹ දිසා අධිකරණයේ පවතින නඩුවක ලිපිගොනු පිලිබද විමසා නීතීඥවරයා ගෙන් ප්‍රකාශ සටහන් කර ගත්තේය.

ඉන්පසුව ඊට පසුදින වූ 15 වැනිදා අපරාධ පරීක්ෂණ දෙපාර්තමේන්තුවට පැමිණෙන ලෙස නීතීඥවරයාට නියෝග කර ඇත.ඒ අනුව 15 වැනිදා අපරාධ පරීක්ෂණ දෙපාර්තමේන්තුවට ගිය විට ඔහුව අත්අඩංගුවට ගෙන ඇත.

අත්අඩංගුවට ගෙන සිටින නීතීඥවරයා දේශපාලන හා සිවිල් අයිතිවාසිකම් වෙනුවෙන් පෙනීලසිටින ක්‍රියාධරයෙකු බවත් , විශේෂයෙන්ම සුළුතර මුස්ලිම් ජනතාවගේ ආගමික අයිතීන් වෙනුවෙන් නිරන්තරයෙන් පෙනී සිටින්නෙකුද වේ.එසේම පසුගියදා කොරෝනා වයිරස් තත්ත්වය හසුවේ මියගිය මුස්ලිම් ජාතිකයින් ආදාහනය කිරීමට බලධාරීන් ගත් තීරණ දැඩිව විවේචනය කල අයෙක්වූ බැවින් එම තත්ත්වය මෙම අගතිදායක අත්අඩංගුවට ගැනීමට තවත් හේතුවක් වන්නට ඇතැයි කියා සිටී.

මෙසේ අත්අඩංගුවට ගැනීම නීතියට පටහැනි වේ.

එබැවින් මෙම නීතීඥවරයා වහාම අධිකරණයට ඉදිරිපත් කරන ලෙසට නියෝග කරමින් වගඋත්තරකරුවන්ට හබයාස්කෝපූස් රිට් ආඥාවක් නිකුත් කරන ලෙසද ,නීතීඥවරයා පොලිස් අත්අඩංගුවෙන් මුදා හරින ලෙසට නියෝග කරන්නැයි ද පෙත්සම්කරුවෝ සිය පෙත්සම් මඟින් අධිකරණයෙන් ඉල්ලා සිටිති.

අදහස් (7)

හිජාස් හිස්බුල්ලා අධිකරණයට ඉදිරිපත් කරන්නැයි පෙත්සම් දෙකක්

රවින් Sunday, 19 April 2020 12:06 PM

මෙහිදී වැදගත් වන්නේ නිතිය දන්නා කෙනෙක් මෙරට නිතිය උල්ලංඝනය කළාද යන්නයි. එසේ කළානම් සාමාන්‍ය පුද්ගලයකුට වැඩිය උපරිම ලෙස දඬුවම් ලබාදීම ගරු අධිකරණයේ ආදිපත්‍ය උපරිම ලෙස ආරක්ෂා කිරීමයි. මොකක් හෝ බොරුවක් කියා යම් අයෙක් ගරු අධිකරණය රැවටීමට උත්සහ කරනවානම් එය කොයි ලෙසකින් හෝ නිදහසට කරුණක් නොවිය යුතුය.

: 0 0

සමන්ත Sunday, 19 April 2020 12:25 PM

නීතිඥ හිජාස් හිස්බුල්ලා යනු දක්ෂ නීතිවේදියෙකු වන අතර ඔහුව ඇත අඩංගුවට ගැනීම බරපතල ලෙස බලය යුතු ලෙස පරිහරණය කිරීමක් වන අතරම නීති විරෝධී ඇත අඩංගුවට ගැනීමකි. ඔහුව වහාම අධිකරණයකට ඉදිරිපත් කොට චෝදනා ඇත්නම් විභාග කොට නිදහස් කල යුතුය. නොඑසේ නම් එය ව්‍යවස්ථාපිත මානව අයිතිවාසිකම් කඩ කිරීමකි.

: 5 58

BamunuarachchiMonday, 20 April 2020 04:36 AM

එයාගේ දක්ෂකම තමයි එයා අයුතුලෙස පාවිච්චිකර කර තිබෙන්නේ.

: 0 0

BamunuarachchiTuesday, 21 April 2020 12:22 AM

ත‍්‍රස්තවාදයට උදවු කර අසුවුවානම් කාගේ හෝ තරාතිරමෙන් වැඩ නැත. මොන ප්‍රතිකාරය හෝ යොදා සඟවා ගෙන ඇති රහස් එලියට ගතයුතුව ඇත. මානව අයිතවාසිකම් පළමුව ලැබිය යුතු වන්නේ ත්‍රස්තයින්ට නොව අහිංසක ජනතාවටයි.

: 0 0

Thilini Sunday, 19 April 2020 12:30 PM

ඔය අන්තවාදියා ඉකමනට අපායට යනව නම් ඒක රටටම යහපතක්...

: 31 3

කේ ආර් පෙරේරා Monday, 20 April 2020 02:05 AM

මේ ගැන අපරාධ පරික්ෂණ දෙපාර්තමේන්තුව කරන පරික්ෂණ වලට ඉඩදීම සදහා වෙනත් ප්‍රකාශ කිරිම නුසුදුසුය.

: 0 0

Bamunuarachchi Monday, 20 April 2020 04:38 AM

ප්‍රශ්න කිරීමීදී අර කවුදෝ කීවා මෙන් තේරෙන බාෂාවකින් කලයුතුය.

: 0 0

ඔබේ අදහස් එවන්න

වැඩි දෙනා කියවූ පුවත්

ඉරානය හෝමුස් සමුද්‍ර සන්ධිය වසා දමයි

2025 ජුනි මස 23 10582 18

කෝටිපති ව්‍යාපාරිකයාගේ සිරුර කුණු වතුර වළක

2025 ජුලි මස 04 8609 4

වෝකර් ටර්ක්ගේ සමරිසි ඉල්ලීම අධිකරණය ඇමැති අහක දමයි

2025 ජුනි මස 29 8109 19

වාහනයට ඉස්සර කරන්න නොදුන්නැයි පිස්තෝලය පෙන්නලා

2025 ජුනි මස 21 8045 11

ඇප කොන්දේසි සපුරා ගත නොහැකි වූ රඹුක්වැල්ල යුවළ දියණිය බන්ධනාගාරයට

2025 ජුනි මස 18 7882 25

2025 ජුලි මස 04 151 0

ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි

ශ‍්‍රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර

2025 ජුලි මස 01 632 1

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

2025 ජුනි මස 26 1036 0

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම