(පාලිත ආරියවංශ) 
 
හාලිඇල, ගලඋඩ ප්‍රදේශයේ මුස්ලිම් පාසැලක  ඉගෙනුම  ලබන ශිෂ්‍යාවක් සහ ශිෂ්‍යයන් 11 දෙනෙකු බරපතල ලිංගික අපයෝජනයට ලක්කළ බවට චෝදනා ලැබූ එම පාසැලේම ගුරුවරයා සැප්තැම්බර් 10 වැනි දින දක්වා රක්ෂිත බන්ධනාගාර ගත කරන ලෙස පස්සර මහේස්ත්‍රාත් චමින්ද කරුණාරත්න මහතා අද(29) නියෝග කළේය.
 
එම ගුරුවරයා ඊයේ (28)  බදුල්ල පොලිසියට බාර වූ පසු ඔහුව අත් අඩංගුවට ගෙන (29) අද   පස්සර මහේස්ත්‍රාත් අධිකරණයට ඉදිරිපත් කිරීමෙන් පසු මෙම නියෝගය ලැබීය.
 
රමේෂ් රාමචන්ද්‍රන් නමැති මෙම ගුරුවරයා  සෞඛ්‍ය හා ශාරීරක අධ්‍යාපන ගුරුවරයා වන නමුදු  ඊට අමතරව විදුහල්පතිගේ අවසරය මත  ගණිතය විෂය උගන්වා ඇති බවත් පාසැල් කාලයෙන් පසු  පාසැලේදීම සිසුන්ගෙන් මුදල්  අයකර  අමතර පන්ති පවත්වා ඇති බවත් විමර්ශනවලදි අනාවරණය වූ බව පොලිසිය සඳහන් කළේය.
 
මෙම සිද්ධීන් විදුහල්පතිවරයාගේ අනුදැනුම ඇතිව සිදුවී විමර්ශනය කිරීම සඳහා  විදුහල්පතිවරයාගෙන්ද ප්‍රශ්න කරන බව පොලිසිය පැවසීය.
 
බදුල්ල පොලිසිය වැඩිදුර විමර්ශන සිදුකරයි.