(ඩයනා උදයංගනී)

ජාතික ප්‍රවාහන වෛද්‍ය ආයතනයේ ශාඛා රජය පනවා ඇති සංචරණ සීමාවන්ට යටත්ව හෙට (28) සිට විවෘත කරන බව එහි සභාපති වෛද්‍ය සචින්ද්‍ර ගමගේ මහතා පවසයි.

කොවිඩ් 19 වයිරස ව්‍යාප්තිය හේතුවෙන් මෙහි සේවා තාවකාලිකව නවත්වා තිබූ බවත් අන්තර්ජාලය හරහා වේලාවන් වෙන්කර ගත් අයට හෙට සිට සේවා සැපයෙන බවත් ඔහු සඳහන් කරයි.

වේරහැර, පොළොන්නරුව, නුවරඑළිය සහ කළුතර දිස්ත්‍රික්කයන්හි ශාඛා මගින් සේවා සැපයීම තවදුරටත් නොකරන අතර එම ශාඛාවන්ගෙන් සේවා ලබාගැනීමට දින හා වේලාවන් වෙන්කර ගත් අය පැමිණිය යුතු දිනයන් ඉදිරියේදී දැනුම් දෙන බව ද සභාපතිවරයා සඳහන් කරයි.