(බිඟුන් මේනක ගමගේ සහ හර්ෂණ තුෂාර සිල්වා) 

මීගමුව ප්‍රදේශයේ හටගත් කලහකාරී සිදුවීමක් පදනම් කරගනිමින් නැවතත් ෆෙස්බුක්, වට්සැප්, ඉන්ස්ටග්‍රෑම්, වයිබර් ආදී සමාජ මාධ්‍ය ජාල අවහිර කිරීමට ක්‍රියාකර ඇතැයි ශ්‍රී ලංකා පරිවර්තන සමූහය නිවේදනයක් නිකුත් කරමින් පවසයි.

අප්‍රේල් 29 වනදා සමාජ මාධ්‍ය තහනම ඉවත් කිරීමට රජය ක්‍රියාකළත් නැවතත් එම ඉවත්කරගැනීම හකුලා ගැනීමට සිදුකිරීම පිළිබඳව සිය බලවත් අප්‍රසාදය රජය වෙත පලකරන බව එම නිවේදනයේ සඳහන් වේ.

මෙම සිදුවීම් වලට මූලික හේතුව සමාජ මාධ්‍ය ජාල වෙබ් අඩවි නොවන බවත් සමාජ මාධ්‍ය ජාල වෙබ් අඩවි යනු තාක්ෂණික මෙවලමක් වන බවත් රෝමය ගිනි ගනිද්දී නීරෝ වීණා වාදනය කළා මෙන් සැබෑ ගැටලුවලට විසදුම් සෙවීම පසෙකලා සමාජ මාධ්‍ය සියලුම සිදුවීම් වලට වරදකරුවෙක් කරමින් තාවකාලික පැලැස්තර යෙදීමට කටයුතු කරන බලධාරීන් සියල්ලන්වම සිය සමූහය පිළිකුලෙන් යුතුව හෙළා දකින බවත් එහි වැඩිදුරටත් සඳහන් වේ.