(විනීතා එම් ගමගේ) 


අම්පාර  සහ මොනරාගල  අපොස සාමාන්‍ය පෙළ  විභාග මධ්‍යස්ථාන දෙකක  අද (11) ප්‍රශ්න පත්‍ර ලබාදීමට  ප්‍රමාද  වී ඇත්තේ මොනරාගල   අංක 413  විභාග මධ්‍යස්ථානයේ  ප්‍රශ්න පත්‍ර  අම්පාර අංක  414  විභාග මධ්‍යස්ථානයට  රැගෙන යාමෙන් ඇති වු ගැටලුවක් නිසා  යැයි විභාග දෙපාර්තමේන්තු ආරංචි මාර්ග පවසයි.


අම්පාර ඩී.එස් සේනානායක ජාතික පාසලේ සහ  මොනරාගල බණ්ඩාරනායක බාලිකා විද්‍යාලයේ අද සා.පෙළ විභාගය සඳහා පෙනී සිටින සිසුන්ට අද උදෑසන 8.30 ට ආරම්භ වීමට තිබු විභාගය මෙම ගැටළුව හේතුවෙන්  උදෑසන 10.15 ට පමණ  ආරම්භ කෙරිණි.


එම කාල සීමාව තුළදී කිසිදු සිසුවකුට  විභාග මධ්‍යස්ථානයෙන් පිටතට යාමට නොදී රඳවාගෙන සිටීමට විභාග මධ්‍යස්ථානබාර නිලධාරීන්ට සිදු වී තිබේ.


සංගීත, නැටුම්, චිත්‍ර සහ සිංහල රසාස්වාදය යන විෂය  ප්‍රශ්න  පත්‍රයන් අද දින පැවැත්වේ.

සිදු වු ප්‍රමාදය හේතුවෙන් සහ සිසුන් පත්වු අපහසුතාව පිළිබඳව  නිසි පරීක්ෂණයක් අවශ්‍ය බව ලංකා ගුරු සංගමය සහ ගුරු සේවා සංගමය පවසයි .