(සුජිත් හේවාජුලිගේ සහ අංජුල මහීකවීරරරතන )

සපුගස්කන්ද තෙල් පිරිපහදුව නුදුරේදීම විවෘත කිරීමට පියවර ගන්නා බව බලශක්ති අමාත්‍ය උදය ගම්මන්පිල මහතා පාර්ලිමේන්තුවේදී අද (1) පැවැසීය.

දින 50 කින් එය විවෘත කරන බව තමා මුලින් පැවසුවත් ඊට පෙර විවෘත කිරීමට බලාපොරොත්තු වන බවද හෙතෙම සඳහන් කළේය.

සපුගස්කන්ද තෙල් පිරිපහදුව විකුණා දැමීමට කිසිදු සූදානමක් නැති බව පැවසූ ගම්මන්පිල මහතා එය මිලදී ගැනීමට කිසිවෙකු ඉදිරිපත්වී නැතැයිද  කීවේය.

වසර 50කට වැඩි පැරණි එකක් හෙයින් ඊට කිසිදු ඉල්ලුමක් නැතැයිද  උදය  ගම්මන්පිල මහතා කීවේය.

කෙසේ වෙතත් මෙම තෙල් පිරිපහදුව පවත්වාගෙන යෑම ප්‍රශ්නයක් බවද  ඔහු පැවසුවේය.

බලශක්ති අමාත්‍යවරයා මෙසේ පැවසූවේ සමගි ජන බලවේගයේ   රත්නපුර දිස්ත්‍රික් මන්ත්‍රී හේෂා විතානගේ මහතා මතු කළ ප්‍රශ්නයකට පිළිතුරු දෙමිනි .