(ඉන්දිකා  රාමනායක)

ලංකා සතොස  ආයතනයේ සිදුවී ඇතැයි කියන සුදුළුණු වංචා සිද්ධියට අදාළව බම්බලපිටිය ප්‍රදේශයේ පදිංචි (25) හැවිරිදි තරුණයෙක් අපරාධ පරීක්ෂණ දෙපාර්තමේන්තුව විසින් අත්අඩංගුවට  ගනු ලැබීය .

මෙම සැකකරු  මෙම සුදුලූනු තොගය මිලදී ගත් බවට චෝදනා එල්ලව ඇති  කෝටිපති ව්‍යාපාරිකයාගේ පුතා බවද පොලිසිය පවසයි .

සතොස ආයතනයට රුපියල්  එක්කෝටි දාහත් ලක්ෂයකට අධික මුදලක් වංචා කිරීම, ඒ සඳහා  ආධාර අනුබල දීම ,කූඨ ලේඛන සෑදීම,  යන කරුණු මත මෙම සැකකරු අත්අඩංගුවට ගත් බව පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී නිහාල් තල්දූව මහතා පවසයි.‍