(යොහාන් භාසුර)

දෙහිවල සත්වෝද්‍යානයේ උපත ලැබූ ක්ෂීරපායි සත්ව පැටව් පස්දෙනකුට නම් තැබීමට දරුවන්ට අවස්ථාව ලබාදීමට ජාතික සත්වෝද්‍යාන දෙපාර්තමේන්තුව තීරණය කර තිබෙනවා.

ඇරබියන් ඔරික්ස් ගවයා, බූරු පටවා, නයිල් හිපෝ පැටවා සහ සිළු වඳුරු පැටවුන් දෙදෙනාට යන සතුන්ට නම් තැබීමට වයස අවුරුදු 18 න් පහළ දරුවන්ට අවස්ථාව හිමිවන අතර 0706988488 අංකයට එස්.එම්.එස්. පණිවිඩයක්, වට්ස්ඇප් හෝ http://nationalzoo.gov.lk/ යන ෆෙස්බුක් පිටුවට මෙම මස 20 වැනිදාට පෙර නම් යොමු කළ යුතුය.

එම පණිවිඩයේ සත්ව පැටවා, යෝජිත නම, යොමු කරන්නාගේ නම, වයස, පාසල සහ ලිපිනය දන්වා එවීමට කටයුතු කළ යුතු බවත් එක් එක් පැටවාට යෝජනා කරන නම් අතුරින් ඉතාම සුදුසු නම් ජාතික සත්වෝද්‍යාන දෙපාර්තමේන්තුව තෝරා ගෙන මේ මස 25 වැනිදා පැවැත්වෙන නම් තැබීමේ උත්සවයේදී එළිදක්වන බවත් එම දෙපාර්තමේන්තුව පවසයි.