(ජයන්ත සමරකෝන්)

සෞඛ්‍ය හා දේශීය වෛද්‍ය අමාත්‍යාංශයේ නව ලේකම්වරිය ලෙස ශ්‍රී ලංකා පරිපාලන සේවයේ විශේෂ ශ්‍රේණියේ නිලධාරිනියක් වන භද්‍රානි ජයවර්ධන මහත්මිය පත්කර ඇති අතර ඇය ලබන පළමු වැනිදා වැඩ භාර ගැනීමට  නියමිතය.

ජනාධිපති ගෝඨාභය රාජපක්ෂ මහතා විසින් මෙම පත්වීම කර ඇත.

රජයේ උසස් තනතුරු ගණනාවක්ම හොබවා ඇති ඇය අවසන් වරට ඇය කොළඹ නාගරික කොමසාරිස් ධූරය හොබවමින් සිටියදී 2015  මහමැතිවරණයෙන් පසු ඇය එම තනතුරෙන් ඉවත් කර බස්නාහිර පළාත් ප්‍රධාන ලේකම් කාර්යාලයට අනියුත්ක කර වසර පහක කාලයක් කිසිඳු රාජකාරියක යොදවා තිබුණේ නැත.

ඒ අතර ඇයට එරෙහිව චෝදනා හතරක් යටතේ රාජ්‍ය සේවා කොමිසමේ පරීක්ෂණ ආරම්භ කර තිබූ අතර කිසිඳු චෝදනාවකට ඇය වරදකරු වී නැතැයිද සඳහන් වේ.