(රොමේෂ් ධනුෂ්ක සිල්වා)

පහ වසර ශිෂ්‍යත්ව විභාගයෙන් පාසැල්වලට බඳවා ගැනීමේ කඩයිම් ලකුණු වහාම අඩුකර දරුවන්ට සාධාරණයක් ඉටූකරන ලෙස රජයට බලකර සිටීමේ උද්ඝෝෂණයක් කොළඹ කොටුව දුම්රියපොළ ඉදිරිපිටදී අද (01) පැවැත්විණි.  

පාසැල් සුරැකීමේ ජාතික ව්‍යාපාරය සහ 05 වසර ශිෂ්‍යත්ව විභාගයෙන් විශිෂ්ට ලෙස සමත් එහෙත් ප්‍රධාන පෙළේ පාසලක් හිමි වූ නැති දරුවන්ගේ දෙමාපියවරු රැසක් මේ අවස්ථාවට එක්ව සිටියහ.

ළමා මනස ව්‍යාකූල නොකර ඔවුන් මහත් බලාපොරොත්තුවෙන් සිටි අගනුවර ඇතුළු ප්‍රධාන නගරයන්හි පිහිටි පාසැල් සඳහා සුදුසු කඩයිම් ලකුණු සැලකිල්ලට ගෙන වහාම දරුවනට පාසැල් ලබා දෙන ලෙස ඔවුහු ඉල්ලා සිටියහ.