2022 ජනවාරි මස 22 වන සෙනසුරාදා
හර්ෂණ තුෂාර සිල්වා
ප්‍රජාතන්ත්‍රවාදී රාජ්‍යයක් ලෙසත් සමීප අසල්වැසියකු ලෙසත් ශ්‍රී ලංකාව ප්‍රජාතන්ත්‍රවාදී වටිනාකම්වලට සහ ව්‍යවස්ථා ක්‍රමවේදයට ගෞරව කරනු ඇතැයි ඉන්දියාව බලාපොරොත්තු වන බව ඉන්දීය විදේශ කටයුතු අමාත්‍යාංශයේ නිල ප්‍රකාශක රවීෂ් කුමාර් මහතා අද (28) ප්‍රකාශ කර ඇත.
ශ්‍රී ලංකාවේ සිදු වෙමින් තිබෙන දේශපාලන තත්ත්වය පිළිබඳ ඉන්දීය මාධ්‍යවේදීන් කරන ලද විමසීමකට පිළිතුරු දෙමින් රවීෂ් කුමාර් මහතා ඒ බව සඳහන් කර තිබේ.
ජනාධිපති මෛත්‍රිපාල සිරිසේන මහතා නව අගමැතිවරයා ලෙස මහින්ද රාජපක්ෂ මහතා පත් කිරීමෙන් පසුව ඉන්දියාව ශ්‍රී ලංකාවේ දේශපාලන තත්ත්වය සම්බන්ධයෙන් අදහස් දැක්වූ පළමු අවස්ථාව මෙය විය.
ඉන්දීය විදේශ කටයුතු අමාත්‍යාංශයේ නිල ප්‍රකාශක රවීෂ් කුමාර් මහතා එහිදි මෙසේ ද පවසා ඇත.
“ශ්‍රී ලංකාවේ වත්මන් දේශපාලන තත්ත්වය සම්බන්ධයෙන් ඉන්දියාව විමසිල්ලෙන් සිටිනවා. ප්‍රජාතන්ත්‍රවාදී රාජ්‍යයක් ලෙසත් සමීප අසල්වැසි හා මිත්‍ර රටක් ලෙසත් ශ්‍රී ලංකාව ප්‍රජාතන්ත්‍රවාදී අගනාකම්වලට සහ ව්‍යවස්ථා ක්‍රමවේදයට ගරු කරනු ඇතැයි අපි බලාපොරොත්තු වෙනවා. ශ්‍රී ලංකාවේ මිත්‍ර ජනතාවට අපි අඛණ්ඩව අපේ සංවර්ධන සහාය දෙනවා”.
