( තිළිණි ද සිල්වා)
ශ්රී ලාංකිකයින් සඳහා කටාර් රාජ්යයේ වැඩි රැකියා අවස්ථා ලබා දීමට එරට රජය අපේක්ෂාවෙන් පසුවන බව ශ්රී ලංකාවේ කටාර් තානාපති ජසින් බින් ජාබීර් ජසීම් අල් සොරූර් මහතා පැවසීය.
කටාර් තානාපති විදේශ අමාත්ය මහාචාර්ය ජී.එල්. පීරිස් මහතා හමුවී පැවති සාකච්ඡාවකදී මේ බව දැනුම් දී තිබේ.
කටාර් රාජ්යයේ ආර්ථික හා සමාජයීය සංවර්ධනය සඳහා ශ්රී ලාංකික සංක්රමණික සේවක ප්රජාව ලබා දුන් වටිනා දායකත්වය පිළිබඳව අමාත්යවරයා දැනුවත් කළ කටාර් තානාපතිවරයා , ශ්රී ලාංකිකයින් සඳහා වැඩි රැකියා අවස්ථා ලබා දීමට ඔවුන් අපේක්ෂාවෙන් පසුවන බව ප්රකාශ කළේය.
ඒසේම දෙරට අතර ව්යාපාරික නියෝජිතයින්ගේ නිතිපතා හුවමාරු කරගැනීමෙන් වෙළෙඳ හා ආයෝඡන යන අංශ දෙකෙහිම අන්යෝන්ය වශයෙන් වාසිදායක හවුල්කාරිත්වය තවදුරටත් ව්යාප්ත කිරීමට පහසුකම් සැලසෙන බව අමාත්යවරයා සහ කටාර් තානාපතිවරයා මෙහිදී කරුණු සාකච්ඡා කළහ.
COMMENTS
මේ ආකාරයට සාකච්ඡා කිරීමෙන් විදේශ විනිමය ගෙන ආ හැකි බව ඇත්ත. ඒත් ශ්රී ලාංකිකයන්ගේ ආරක්ෂාව පිළිබඳ නීති රීති මෙන්ම ගුණාත්මක සේවයක් දියහැකි ශ්රමිකයින් පමණක් යැවීමට විදේශ ප්රතිපත්ති හා නීති විශේෂඥයින්ගේ උපදෙස් ඇතිව රටවල් අතර අන්යෝන්ය එකඟතාවයකට ඒමත් වැදගත්... වංචනික ඒජන්සි, වැඩ බැරි නුපුහුණු සේවකයින් යැවීමත් මින් වැළකේවි...
අපිව විකුනලා, උබලා ජොලියෙ හිටපන්
හොඳ අවස්ථාවක් .මේකෙන් ප්රයෝජනය ගන්න රජය මැදිහත් වෙලා කටයුතු කෙරුනොත් වැඩි විනිමයක් උපයා ගත හැකි වේවි .කටාර් රජය ශ්රී ලාංකිකයන්ට වැඩි කැමැත්තක් දක්වනවා .විශේෂයෙන්ම ඉදිකිරීම් ආයතන සහ වාහන අලුත් වැඩියා කිරීම් අංශයෙන් .කටාර් ගුල්ෆ් රටවලින් නිදහස්ම ,සහ හොඳ ගෙවීම් කරන සාමකාමී රටක් .කොවිඩ් හමුවේ ඔවුන් විදේශිකයන්ට දැක්වූ සේවය, ගරු කල යුතුයි .
සංවර්ධනය වෙමින් පවතින රටක ගැහැණු පිරිමි රට පටවන්නේ නැහැ නේද? මේකටද සංවර්ධනය කියන්නේ>
නියමයි
පවුලේ දූදරුවන්ට කන්න, බොන්න දෙන්න බැරිවෙනකොට බැලමෙහෙවරකමට දෙනවා වගේ ආණ්ඩුව අපිට කරන්නෙත් ඒකම තමයි. අර රට යවනවා කියන සීනිබෝල වචනය භාවිතාකරමින් අපිව විකුණාගෙන කනවෝ...!!!
දැන් මෙහෙම ගිහින් ඡන්දෙ ලං වෙද්දි ගෝනි බිල්ලො මවමු