IMG-LOGO

2025 ජුලි මස 19 වන සෙනසුරාදා


වැස්සෙන් පදවියේ ගම්මාන රැසක් යට වෙයි

(දයාරත්න ඇඹෝගම)
මේ දිනවල උතුරුමැද පළාතට ඇද හැලෙන ධාරානිපාත වර්ෂාව හේතුවෙන් පදවිය ප්‍රදේශයේ ගම්මාන ගණනාවක්  ( 11 ) දහවල් වනවිට ජලයෙන් යටවී ඇති බවත් එම ප්‍රදේශවල ජල මට්ටම ක්‍රමයෙන් ඉහළ යමින් පවතින බවත් වාරිමාර්ග ඉංජිනේරුවෝ පවසති.

පසුගිය දින කීපය තිස්සේ සිට ඇද හැලෙමින් පවතින අධික වර්ෂාව නිසා වසර හතකට පමණ පසුව පදවිය වැව වාන් දැමීම ආරම්භ වී ඇතැයි ගම්වාසීහු පවසති.

 එසේම ශ්‍රීපුර , කැබිතිගොල්ලෑව මාර්ගය කම්බිලිවැව ප්‍රදේශයෙන් ජලයෙන් යටවීම නිසා බුද්ධංගල මධ්‍ය මහා විද්‍යාල භූමිය හා අවට ගම්මානවල අඩි 6 ක පමණ ජල මට්ටමක් පවතින අතර එය ක්‍රම ක්‍රමයෙන් වැඩිවෙමින් තිබේ. මේ හේතුව නිසා බෝගස්වැව , නාමල්වැව , වෙහෙරගොල්ල හා කම්බිලිවැව ආදී ප්‍රදේශවල සිට පදවිය , පරාක්‍රමපුර හා ශ්‍රීපුර අතර ගමනාගමනයද මුළුමනින්ම ඇනහිට තිබේ.

මීට අමතරව පදවිය - වව්නියාව මාර්ගය ජලයෙන් යටවීම නිසා පදවි පරාක්‍රමපුර සිට වව්නියාව දක්වා සියළු ගමනාගමන කටයුතු ඇනහිට තිබේ.
ගම්වාසීන්ගේ දෛනික කටයුතු සඳහා ශ්‍රී ලංකා නාවික හමුදාව විසින් ආපදා සහන සේවයක් ආරම්භ කර ඇත.

අප මේ පිළිබඳව පදවිය ප්‍රාදේශීය ලේකම් රලියුඩීන් මහතාගෙන් විමසීමක් කළෙමු. ඔහු සඳහන් කළේ බුද්ධංගල මධ්‍ය මහ විද්‍යාලය හා වෙහෙරතැන්න ප්‍රදේශයේ නිවාස කීපයක් හා මාර්ග ජලයෙන් යටවී ඇති බවයි.

එසේම පරාක්‍රමපුර - වව්නියාව මාර්ගයේ ගමනාගමන කටයුතු මුළුමනින්ම ඇණහිට ඇති බවත් නාවික හමුදාව බෝට්ටු සේවයක් යොදවා ඇතත් සැඩ පහර වේගවත් නිසා බෝට්ටු යොදා ගැනීම අපහසු වී ඇති බවයි. කෙසේ වෙතත් මේ වනවිට වර්ෂාව මඳක් අඩුවී ඇති නිසා බරපතල ආපදා තත්වයක් ඉදිරියේදී ඇති නොවනු ඇතැයි ද ප්‍රාදේශීය ලේකම්වරයා පැවසීය.



අදහස් (0)

වැස්සෙන් පදවියේ ගම්මාන රැසක් යට වෙයි

ඔබේ අදහස් එවන්න

 

 
 

මේවාටත් කැමතිවනු ඇති

අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්. 2025 ජුලි මස 15 392 0
අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්.

ඔබේ දරුවාට සංජානනය වන හෘද දෝෂයක් (CHD) තිබේ නම් සහ ඔබට ප්‍රතිකාර සඳහා මුදල් වැය කිරීමට නොහැකි නම්, අපි ඔබේ දරුවා වෙනුවෙන් ඒ මහැඟි සත්කාරය ඉටු කර දීමට කැප වී

පාසල් දරුවන්ට හිස්වැසුම් බෙදා දීම 2025 ජුලි මස 14 550 0
පාසල් දරුවන්ට හිස්වැසුම් බෙදා දීම

ශ්‍රී ලංකාවේ පැරණිතම සහ විශාලතම මෝටර් රථ සංවිධානය වන ලංකා ඔටෝමොබයිල් සංගමය (AAC), ’’මෝටර් රථ හිමියන්ගේ හඬ’’ සහ ’’මෝටර් රථ හවුල්කරු’’ ලෙස ප්‍රසිද්ධය. රට තු

සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය 2025 ජුලි මස 14 230 0
සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය

ශ්‍රී ලංකාවේ ප්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී සිය දීප ව්‍යාප්ත ශාඛා ජාලයේ 54 වැනි ශාඛාව පසුගියදා කඩුවෙල නගරයේදී විවෘත කෙරිණ.

Our Group Site