(හිරාන් ප්‍රියංකර ජයසිංහ)

සින්නපාඩුව වෙරළට වසර 10 කට පෙර ගොඩ ගසා තිබු දැවැන්ත යකඩ බටයක් තුළ වායුසමිකරණ යන්ත්‍ර හා ආහාර ද්‍රව්‍ය රැසක් තිබි සොයාගත් බව  උඩප්පුව පොලිසිය කියයි.

අඩි 30ක් පමණ දිගකින් හා අඩි දෙකක විශ්කම්භයෙන් යුත් මෙම බටය වසර 10 කට ආසන්න කාලයක් සින්නපුඩව වෙරළේ තිබී ඇත. ඒ සම්බන්ධයෙක්  කිසිවකු  සොයා බැලිමක් කර නොතිබු බව කියයි.

දිරගොස් තිබූ එම යකඩ බටයට කිසියම් පිරිසක් 21 දින හානි කර ඇති බවත්  පුපුරා ගිය ස්ථානයකින්  එහි බිස්කට්,  පැකට් කළ ආහාර හා සිගරට් තොගයක් තිබී ඇත. ඒ සම්බන්ධයෙන්ස  සින්නපාඩුව රේගු කාර්යාලයට දන්වා ඇත.

ඒ අනුව ශ්‍රී ලංකා රේගුවේ විශේෂ කන්ඩායමක් අද එම ස්ථානයට පැමිණ අදාල යකඩ බටය පරික්ෂාවකට ලක්කිරීමේදි ඒ තුළ වායු සමිකරණ හා තවත් දෑ තොගයක් තිබියදි සොයා ගැනුනද එය පාරික්ෂාව‍ට ලක්කල නිළධාරින් පවසා සිටියේ මෙම යකඩ බටය තුළ ඇති අනිකුත් දෑ සොයා ගැනිම සදහා ශ්‍රී ලංකා රේගුවට රැගෙන යාමට කටයුතු කරන බවයි.

ඒසේම එම ස්ථානයට පැමිනි රේගු නිළධාරින් පවසා සිටියේ මෙම වෙරළ තිරයේ ඇති යකඩ බටයට සමාන  එකක් මේ වන විට සින්නපාඩුව රේගු කාර්යාලය අසල ඇති බවත් එයද පිරික්ෂා කිරි‍මට ඉදිරි දිනකදි කටයුතු කරන බවත් ඉන් පසුව‍ මේ පිළිබදව වැඩිදුර තොරතුරු රේගුවෙන් නිකුත් කරනු ඇති බවයි.

මෙම යකඩ බටය තුළ තිබු මේ වන විට කිසිදු භාවිතයකට ගැනිමකට නොහැකි තත්වයේ තිබු විදේශ රටක නිශ්පාදිත වායු සමීකරණ කට්ටල 10 කට ආසන්න ‍තොගයක් තිබු බව කියයි.