
(යොහාන් භාසුර)
සම්භාහන මධ්යස්ථානවල රැකියා ලබාදෙන බව පවසමින් ඉන්දුනීසියානු ජාතික සුරූපී කාන්තාවන් පස් දෙනෙක් මෙරටට ගෙන්වා බලහත්කාරයෙන් ගණිකා වෘත්තියේ යෙදවීමේ චෝදනාවට ගල්කිස්ස ප්රදේශයේ පුද්ගලයෙක් අපරාධ පරීක්ෂණ දෙපාර්තමේන්තුවේ මිනිස් වෙළෙදාම්, මිනිස් ජාවාරම් සහ සමුද්රි අපරාධ විමර්ශන කොට්ඨාසය අත්අඩංගුවට ගෙන තිබේ.
අත්අඩංගුවට ගෙන සිටින 41 හැවිරිදි එම පුද්ගලයා දීර්ඝ කාලයත් තිස්සසේ මෙම ජාවාරම කරගෙන ගොස් ඇති බව කී පොලිසිය එම සුරූපි ඉන්දුනිසියානු කාන්තාවන් රුපියල් 25,000 ක් වැනි ඉහළ මිලට ගණිකා වෘත්තියේ යොදවා ඇති බව ද සඳහන් කළේය.
එම ඉන්දුනීසියානු කාන්තාවන්ගේ විදේශ ගමන් බලපත්ර ඔහු භාරයේ තබාගෙන ජාවාරම කරගෙන ගොස් ඇති බව කී පොලිසිය පැවසුවේ වලාන දූෂණ මර්ධන ඒකකයේ නිලධාරීන් ගල්කිස්ස ප්රදේශයේ ගණිකා නිවාසයක් වැටලීමෙන් පසුව එම කාන්තාවන් පිළිබඳව හෙළි වී ඇති බවත්ය.
ආරක්ෂක අමාත්යංශය යටතේ ක්රියාත්මක වන මිනිස් ජාවාරම් සහ මිනිස් වෙළදාම වැටලීමේ විශේෂ කාර්ය සාධක බලකාය මෙම කාන්තාවන් පිළිබඳව සිද්ධිය පිළිබඳ වැඩිදුර විමර්ශනය අපරාධ පරීක්ෂණ දෙපාර්තමේන්තුවට යොමු කර තිබේ.
අපරාධ පරීක්ෂණ දෙපාර්තමේන්තුවේ මිනිස් වෙළෙදාම්, මිනිස් ජාවාරම් සහ සමුද්රි අපරාධ විමර්ශන කොට්ඨාසයේ අධ්යක්ෂ ජ්යෙෂ්ඨ පොලිස් අධිකාරී ඩබ්ලිව්. එම්. සමරකෝන් මහතාගේ උපදෙස් අනුව එම කොට්ඨාසයේ ස්ථානාධිපති ප්රධාන පොලිස් පරීක්ෂක සුගත් සමරසිංහ මහතා ප්රමුඛ කණ්ඩායමක් මෙම වමර්ශනය ක්රියාත්මක කරයි.
2025 නොවැම්බර් මස 21
62
0
ශ්රී ලංකා ඉන්ෂුවරන්ස් ලයිෆ් හි විකුණුම් කණ්ඩායම විකුණුම් වෘත්තිකයන් ලෙස විශිෂ්ටත්වය කරා යන ගමනේදී ඔවුන්ගේ උනන්දුව සහ කැපවීම වෙනුවෙන් 2025 ශ්රී ලංක
2025 නොවැම්බර් මස 17
159
0
දවසින් දවස අපි හැමෝගෙම ජීවිත හිතාගන්න බැරි තරම් කාර්යබහුල වෙනවා! ඒ busy life එක අස්සේ shopping කරනවා කියන්නේ තවත් ලොකු කාර්යභාරයක් නේද? හවසට වැඩ ඇරිලා ගෙදර යන ගම
2025 නොවැම්බර් මස 04
1014
0
2021 බ්ලූ ප්ලැනට්(Blue Planet) ත්යාගලාභී සහ 2007 සාම නොබෙල් ත්යාගයේ සම-ජයග්රාහක මහාචාර්ය මොහාන් මුණසිංහ මහතා මෑතකදී 2025 ඔක්තෝබර් 18-21 දිනවල චීනයේ ඉහළ මට්ටමේ ටියැන්
විදෙස් කතුන් පහක් බලෙන් පැරණි වෘත්තියේ යෙද වූ අයෙක් මාට්ටු