IMG-LOGO

2025 නොවැම්බර් මස 30 වන ඉරිදා


විදුලි බල මණ්ඩලයේ උපකරණ තොගයක් කල්එළියේ නිවසක සඟවලා

(පුෂ්පකුමාර මල්ලවආරච්චි)

ලංකා විදුලිබල මණ්ඩලය සතු රුපියල් ලක්ෂ ගණනක් වටිනාකමක්  ඇති  උපකරණ තොගයක් කල්එළියේ නිවසක සඟවා තිබියදී විදුලිබල මණ්ඩලයේ විමර්ශන ඒකකය සහ පල්ලෙවෙල  පොලීසිය අද(26) දහවල් සොයා ගත්තේය.

කල්එළිය නගරයට සමීපයේ පිහිටි ඉඩමක මෙම උපකරණ සඟවා තිබිණි.

බස්නාහිර පළාත් බුද්ධි කොට්ඨාස අධ්‍යක්ෂවරයා ලද තොරතුරක් අනුව මෙම වැටලීම කෙරිණි. මෙම දේපළ සොයා ගනු ලැබූයේ අවිවාහක  60 හැවිරිදි පුද්ගලයෙකුගේ නිවසේ හා ඒ අවට පරිශ්‍රයේ සඟවා තිබියදී ය.

විදුලි රැහැන්, විදුලි කම්බි, කේබල්,  ඇණ මුරිච්චි,  ප්ලේට් ඇතුළු විවිධ අයිතමයන් ගණනාවක්  සොයාගත් දේපල අතර විය. ඒවායේ වැඩි කොටසක් ලංකා විදුලිබල මණ්ඩලය සතු බවට හැඟවෙන ලාංඡන  ද සටහන් කර තිබිනි. විදුලිබල මණ්ඩලයේ විමර්ශන නිලධාරීහු ඒවා එකින් එක ගණනය කර අනතුරුව සියල්ල වැඩිදුර පරීක්ෂණ සඳහා රැගෙන යාමට පියවර ගත්හ.

නිවස හිමිකරු මීට වසර 30 කට පෙර විදුලිබල මණ්ඩලයේ සේවය කර  ඇතැයිද ඒ අවස්ථාවේ අනතුරකට පත්වීමෙන් පසු සේවය හැර ගිය  පුද්ගලකු බවට ද තොරතුරු ලැබී ඇත.  ඔහුට විදුලිබල මණ්ඩලය සතු මේ සා විශාල අයිතමයන් ප්‍රමාණයක් ලැබුණේ කෙසේද යන්න හෙළිකර ගැනීමට වැඩිදුර පරීක්ෂණ පැවැත්වීමට නියමිතය.

රුපියල් ලක්ෂ ගණනක් වටිනා බව කියන මෙහි ස්ථිර වටිනාකම ඉදිරි පරීක්ෂණ වලදී හෙළි කර ගැනීමට විමර්ශන නිලධාරීහු  කටයුතු කරමින් සිටිති.

වැටලීම කරනු ලැබූ නිවසේ ඉදිකිරීම්  බොහොමයකට විදුලිබල මණ්ඩලය සතු කොන්ක්‍රීට් කණු ඇතුළු දේ යොදාගෙන ඇති බව මෙහිදී දැකිය හැකි විය. එක් ගොඩනැගිල්ලක බාල්ක  සඳහා ද විදුලි කණු යොදා තිබිණි.

නිවස හිමිකරු ඊයේ (25) නිවසේ සිටි බවට තොරතුරු ලැබී ඇති අතර, මේවනවිට ඔහු ආගිය තැනක් පිළිබඳව සොයා ගැනීමට පොලිස් පරීක්ෂණ ක්‍රියාත්මක වෙමින් පවතී.

 



අදහස් (0)

විදුලි බල මණ්ඩලයේ උපකරණ තොගයක් කල්එළියේ නිවසක සඟවලා

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී  ලංකා ඉන්ෂුවරන්ස් ලයිෆ්, 2025  SLIM  ජාතික විකුණුම් සම්මාන රාත‍්‍රියේදී  (SLIM National Sales Awards) සම්මානයන්ගෙන් පිදුම් ලබයි. 2025 නොවැම්බර් මස 21 210 1
ශ‍්‍රී ලංකා ඉන්ෂුවරන්ස් ලයිෆ්, 2025 SLIM ජාතික විකුණුම් සම්මාන රාත‍්‍රියේදී (SLIM National Sales Awards) සම්මානයන්ගෙන් පිදුම් ලබයි.

ශ‍්‍රී ලංකා ඉන්ෂුවරන්ස් ලයිෆ් හි විකුණුම් කණ්ඩායම විකුණුම් වෘත්තිකයන් ලෙස විශිෂ්ටත්වය කරා යන ගමනේදී ඔවුන්ගේ උනන්දුව සහ කැපවීම වෙනුවෙන් 2025 ශ‍්‍රී ලංක

ඕනම වෙලාවක - ඕනම තැනක ඉඳන්, මේ අළුත්වෙන කරදරලස් Trend එකට Set වෙන්න. 2025 නොවැම්බර් මස 17 266 0
ඕනම වෙලාවක - ඕනම තැනක ඉඳන්, මේ අළුත්වෙන කරදරලස් Trend එකට Set වෙන්න.

දවසින් දවස අපි හැමෝගෙම ජීවිත හිතාගන්න බැරි තරම් කාර්යබහුල වෙනවා! ඒ busy life එක අස්සේ shopping කරනවා කියන්නේ තවත් ලොකු කාර්‍යභාරයක් නේද? හවසට වැඩ ඇරිලා ගෙදර යන ගම

නොබෙල් ත්‍යාගලාභීන් සමඟ ටියැන්ජින් සමුළුවේදී මහාචාර්ය මොහාන් මුණසිංහ ප්‍රධාන දේශනය පවත්වයි. 2025 නොවැම්බර් මස 04 1178 0
නොබෙල් ත්‍යාගලාභීන් සමඟ ටියැන්ජින් සමුළුවේදී මහාචාර්ය මොහාන් මුණසිංහ ප්‍රධාන දේශනය පවත්වයි.

2021 බ්ලූ ප්ලැනට්(Blue Planet) ත්‍යාගලාභී සහ 2007 සාම නොබෙල් ත්‍යාගයේ සම-ජයග්‍රාහක මහාචාර්ය මොහාන් මුණසිංහ මහතා මෑතකදී 2025 ඔක්තෝබර් 18-21 දිනවල චීනයේ ඉහළ මට්ටමේ ටියැන්

Our Group Site