(අජන්ත කුමාර අගලකඩ)
සංවර්ධන කමිටුවල සභාපතිවරුන් ලෙස කටයුතු කරන පාර්ලිමේන්තු මන්ත්රීවරුන්ට රුපියල් ලක්ෂ දෙකක මාසික දීමනාවක් ගෙවීමට අනුමැතිය ඉල්ලා ඉදිරිපත් කළ යෝජනාව අද (17) පැවැති කැබිනට් රැස්වීමේදී දෙවන වරටත් ප්රතික්ෂේප වී ඇත.
පළාත් පාලන පළාත් සභා සහ ස්වදේශ කටයුතු ඇමැති වජිර අබේවර්ධන මහතා විසින් මීට අදාළ කැබිනට් සංදේශය ඉදිරිපත් කරන ලද අතර ජනාධිපතිවරයා එම යෝජනාවට දැඩි විරෝධය පළකිරීම හේතුවෙන් එය දෙවන වරටත් ප්රතික්ෂේප වූ බව රජයේ ආරංචි මාර්ග සඳහන් කරයි.
වැටුප් වැඩිවීම් ඉල්ලා විවිධ ක්ෂේත්ර වලින් වෘත්තිය සටන් යන අවස්ථාවක මන්ත්රීවරුන් පිරිසකට මෙවැනි දීමනාවක් ගෙවීම අසාධාරණ බව ජනාධිපති මෛත්රීපාල සිරිසේන මහතා අද පැවැති කැබිනට් රැස්වීමේදී ප්රකාශ කර ඇතැයි ද එම ආරංචි මාර්ග කියයි.
ඒ අනුව අදාළ යෝජනාවට අනුමැතිය දීම ජනාධිපතිවරයා විසින් ප්රතික්ෂේප කරනු ලැබූ බවද රජයේ ආරංචි මාර්ග වලින් පැවැසේ.
මෙම යෝජනාව පසුගිය සතියේ පැවැති කැබිනට් රැස්වීමටද ඇමැති වජිර අබේවර්ධන මහතා විසින් ඉදිරිපත් කරනු ලැබ තිබූ අතර ජනාධිපතිවරයාගේ විරෝධය හේතුවෙන් එම යෝජනාව ද ප්රතික්ෂේප වී තිබේ.
COMMENTS
Reply To:
Sisira - cb chds hcdsh cdshcsdchdhd
පව් දෙන්න කට්ටිය හරිම අමාරුවෙන් ඉන්නේ
මොහුට විරුද්ධව විශ්වාස භංගයක් ගෙනා යුතුයි. රටේ මහජන මුදල් හොරා කන අයෙක් .
රටේ අනාගතය භාරගැනීමට සිටින වත්මන් විශ්ව විද්යාල සිසුන්ගේ කාලය 2017 දී මාස හයකුත් 2019 දී කොතෙක් කාලයක්ද කිව නොහැකි ලෙසට පමාවී තිබියදී හිතවතුන් සැනසීමට කරන දැඟලීම හෙලාදකිමු.
මෙම අවස්ථාවේදී නම්, මම ජනාධිපතිතුමා සමග 100 % එකඟ වෙමි.
නෙලුම් කුලුනට බිලියන දෙක තියෙන්නේ ALIT ට නෙමෙයි CEIEC ට . වවුචරේ ෆොටෝ කොපියකුත් ෆේස් බුක් දාල තියෙන්නේ. ජනාධිපති කිසි දෙයක් නොදැන සිටීම රටේ කරුමයක් .
මේ මන්ත්රීවරුන්ට සත 5ක දීමනාවක් දෙන්න එපා. මේ අය මහජන ඡන්දෙන් ගිහිල්ලා කරන්නේ තම තමන්ගේ බිස්නස් මිසක් රටට ඵලදායී කිසිම දෙයක් කරන්නේ නැහැ. මේ අයගේ වාහන පර්මිට් එකත් සජිත් බලයට ආවොත් නවත්තනවා කියලා තියෙනවා. ඒක ඉතාම හොඳ යෝජනාවක්...
බොහොම ලස්සන කතාවක්.. කොටුව ස්ටේඩියන් එක ළඟ රණවිරුවන් දහ දුක් විඳිනවා. සාප වෙලා හෙන ගහන වැඩ කරන්න එපා. අද අපි හුස්මක් ගන්නේ රෙද්දක් ඇඳගෙන පාරේ බැහැලා යන්නේ, බයක් නැතුව ගමනක්, බිමනක් ගිහින් එන්නේ ඔවුන් නිසා... සහරාන් පහු ගිය කාලේ අපහු ලංකාව සොහොන් පිටියක් කරද්දී ලොකු පුටුවල මිනිස්සු මම දන්නේ නැහැ, මාව දැනුවත් කළේ නැහැ කිව්වට රණවිරුවන්, උඩබලන් හිටියේ නැහැ. අස්සක් මුල්ලක් නෑරම රටම පීර පීර ත්රස්තයිනව හෙව්වා. නිකන්ම නිකන් පින්බත් ගිලින අයට මාසික දීමනාව ලක්ෂ 2ක් දෙන්නේ අහවල් එහෙකටද? මේ රටට සාපවෙන වැඩ කරන්න එපා... ඔවුන්ට ලොකු හීන නැහැ. ලොකු හීන තිබ්බෙත් නැහැ. තවම මග බලන් ඉන්නවා යුද්ධයට ගිය මනුස්සයා අද ඒවි, හෙට ඒවි කියලා.. එ්ත් හිත දන්නවා අාපහු කවදත් එන්නේ නැහැ කියලා.. එ්ත් අපි මගබලන් ඉන්නවා. අහස පොළව නුහුලන අපරාධ කරන්න එපා. කොහෙවත් ඉන්න බයියන්ට මාසික දීමනාව ලක්ෂ 2ක් දුන්නම හරිද?
මෙයා ඉල්ලගෙන කන්න හදන්නේ
මොලේ හොඳ නැද්ද දන්නේ නෑ මාසෙට ලක්ෂ 2 ක් දීමනා හැටියට දෙන්න. පිස්සුද මේ රජයට ?
කොහොම හරි තමන්ගේ වැඩේ කරගන්න තමයි බලන්නේ .රටේ කොයිතරම් ප්රශ්න තියෙනවද විසඳන්න . ඒවා ගැන කිසිම තැකීමක් නැහැ . ආපහු මේ කට්ටියම ආවොත් කොහොම හිටීවිද ? කල්පනාකරන්න .