(ආරියරත්න රණබාහු)

වාර්තමානයේ මේ රටෙහි ක්‍රියාත්මක වන්නේ බ්‍රිතාන්‍ය සම්ප්‍රදායානුකූල ආණ්ඩුක්‍රමයක් නොව 78 ජේ.ආර්.ජයවර්ධන ජනාධිපතිවරයා සකස් කළ විධායක ජනාධිපති ව්‍යවස්ථාවක් යැයි රාජ්‍ය පරිපාලන ස්දේශ කටයුතු සහ අධිකරණ අමාත්‍ය සුසිල් ප්‍රේමජයන්ත මහතා කොළඹ අද (21) පැවැති මාධ්‍ය හමුවේදී පැවැසීය.

රාජ්‍ය පරිපාලන අමාත්‍යාංශයේ අද (21) පැවැති මාධ්‍ය හමුවේදී ඒ බව පැවැසු ඇමතිවරයා මෙසේද කීය.

   ‘‘බ්‍රිතාන්‍ය පාර්ලිමේන්තු සම්ප්‍රදාය ආරක්ෂා කිරීමට එක්සත් ජාතික පක්ෂය බැඳි සිටින බව හිටපු සභානායකවරයෙකු වන ලක්ෂ්මන් කිරිඇල්ල මහතා ප්‍රකාශ කර තිබුණා.

බලතල සඳහා ව්‍යවස්ථාවේ හත්වන වගන්තිය යටතේ පාර්ලිමේන්තුවේ බහුතර බලයකින් අගමැතිවරයා පත්කරගත යුතු බවත් ඔහු සඳහන් කර තිබෙනවා.

මා එතුමාටත් එතුමාගේ  අදහස් දරන අනෙකුත් අයටත් කියන්න කැමතියි එතුමන්ලාගේම එක්සත් ජාතික පක්ෂයේ හිටපු නායකයකු වන ජේ.ආර් ජයවර්ධන ජනාධිපතිතුමාත් 1977 බලයට පත්වීමෙන් පසු 1978 දී ශ්‍රීලංකා ප්‍රජාතන්ත්‍රවාදී සමාජවාදී ජනරජයේ ආණ්ඩුක්‍රම ව්‍යවස්ථාව වෙනුවෙන් අලුතින් ව්‍යවස්ථාවක් සකස් කළා.

එම ව්‍යවස්ථාව මේ වන විට 19 වන වතාවටත් සංශෝධනයට ලක්වී තිබෙනවා. නමුත් අපේ රටේ මූලික නීතිය හැටියට ක්‍රියාත්මක වන්නේ එම ව්‍යවස්ථාවයි. එය හැදුවේ 1972 ජනරජ ආණ්ඩුක්‍රම ව්‍යවස්ථාව සංශෝධනය කිරීමෙනුයි‘‘.