රුසියා විදේශ අමාත්ය සර්ගේ ලැව්රොව් මහතා ලබන 14 සහ 15 යන දෙදින ශ්රී ලංකාවේ සහ ඉන්දියාවේ සංචාරය කරන බව රුසියානු විදේශ කටයුතු අමාත්යාංශයේ ප්රකාශිකා මාරියා සකාරෝවා පැවැසුවාය.
“ජනවාරි 14 සහ 15 රුසියානු විදේශ අමාත්ය සර්ගේ ලැව්රොව් රාජකාරී සංචාරයක් සඳහා ශ්රී ලංකාවට සහ ඉන්දියාවට යනවා” යැයි මොස්කව්හි පෙරේදා (26) පැවති මාධ්ය හමුවකදී ඇය සඳහන් කළාය.
ශ්රී ලංකාවේ කරන සංචාරයේදී ජනවාරි 14වැනිදා ජනාධිපති ගෝඨාභය රාජපක්ෂ සහ අග්රාමාත්ය මහින්ද රාජපක්ෂ යන මහත්වරුන් මුණගැසීමට නියමිත අතර විදේශ සබඳතා අමාත්ය දිනේෂ් ගුණවර්ධන මහතා සමඟ සාකච්ඡා පැවැත්වීමට ද නියමිතය.
“ඔවුන් වත්මන් ශ්රී ලංකා - රුසියා සබඳතා සම්බන්ධයෙන් සාකච්ඡා කිරීමට බලාපොරොත්තු වෙනවා. අනාගත දේශපාලන සංවාද, වෙළෙඳ හා ආර්ථික අංශවලින් සහයෝගීතාව සංවර්ධනය කරගැනීම, මානුෂීය සහ අනෙකුත් අංශ මෙන්ම ද්විපාර්ශ්වීය ප්රඥප්ති සහ නෛතික කරුණු සම්බන්ධයෙන් සාකච්ඡා කිරීමට ද ඔවුන් බලාපොරොත්තු වෙනවා. එක්සත් ජාතීන්ගේ සංවිධානය සහ එහි අනුබද්ධිත ආයතන මෙන්ම අනෙකුත් ජාත්යන්තර සංවිධාන සහ ආයතන තුළ සහයෝගීතාව පුළුල් කිරීම සම්බන්ධයෙන් ද එම සාකච්ඡාවලදී විශේෂ අවධානයක් යොමු කරනවා” යැයි ඇය සඳහන් කළාය.
රුසියා විදේශ කටයුතු අමාත්යවරයා ජනවාරි 15වැනිදා ඉන්දීය විදේශ කටයුතු අමාත්ය සුබ්රමනියම් ජයිශංකර් හමුවී සාකච්ඡා පවත්වන බවත් හෙතෙම ඉන්දියාවේ නවදිල්ලි නුවර පැවැත්වෙන බහුපාර්ශ්වීය සමුළුවක් වන ‘රයිසිනා සංවාද සමුළුවට’ ද සහභාගී වන බවත් ඇය වැඩිදුරටත් කීවාය.
රුසියානු පුවත් සේවය ඇසුරිනි.
055
ශ්රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
රුසියානු විදේශ ඇමැති ජනවාරියේ දිවයිනට
Suranga Saturday, 28 December 2019 04:32 AM
ලංකාවට ආදරය කරන බොහොම හොඳට සිංහල භාෂාව කතාකරන කෙනෙක්. ආඩම්බර විය යුතුයි. ඔහුගේ Wikipedia page එකේ තියෙනවා. ඔහු ලංකාවට ගොඩක් හෙල්ප් කරනවා. නමුත් අපේ මිනිස්සුන්ට කිසිම අගයක් නැහැ. දුකයි රුසියාව ලංකාවට දීපු හැමදෙයක්ම විකුණන් කෑවා...