(නිමන්ති රණසිංහ සහ ඉන්දිකා රාමනායක)

අපරාධ පරීක්ෂණ දෙපාර්තමේන්තුව භාරයේ රඳවාගෙන සිටින හිටපු අමාත්‍ය පාර්ලිමේන්තු මන්ත්‍රී රිෂාඩ් බදියුදීන් මහතා හදිසි අසනීප තත්ත්වයක් හේතුවෙන් රෝහල් ගත කළ බව පොලිස් මාධ්‍ය ප්‍රකාශක ජ්‍යෙෂ්ඨ නියෝජ්‍ය පොලිස්පති අජිත් රෝහණ මහතා පවසයි.

හිටපු අමාත්‍යවරයාට ඇතිවූ හදිසි රෝගී තත්ත්වය හේතුවෙන් වෛද්‍ය පරීක්ෂණයක් සඳහා ඔහු කොළඹ ජාතික රෝහලට ඇතුළත් කෙරුණු බව මාධ්‍ය ප්‍රකාශකවරයා සඳහන් කළේය.

මේ වන විට පොලිස් ආරක්ෂාව මැද ඔහු ප්‍රතිකාර ලබන බව ද හෙතෙම පැවසීය.