(විනීතා එම් ගමගේ)
ශ්රී ලාංකිකයන්ට රුමේනියාවේ රැකියා සඳහා ගිවිසුම් ගත විය හැක්කේ වසරක කාලයක් සඳහා පමණක් බැවින් එය වසර දෙකක් දක්වා දිර්ඝ කරගැනීමට එරට රජය සමග සාකච්ඡා කරන බව විදේශ රැකියා රාජ්ය අමාත්ය පියංකර ජයරත්න මහතා ප්රකාශ කළේය.
දැනටමත් වසරක ගිවිසුම තවත් වසරකින් දීර්ඝ කරනු ලබන අවස්ථා ඇතත් එසේ සිදුකරන්නේ ශ්රමිකයාගේ හැසිරීම හා වැඩකිරිමේ හැකියාව මත බවත් රාජ්ය අමාත්යවරයා සඳහන් කළේය.
රුමේනියා රැකියා සඳහා මේවන විට තානාපති කාර්යාලයේ 800 දෙනෙකුගේ පමණ නාමලේඛනයක් තිබෙන බව කී ජයරත්න මහතා ඉදිරියේදී ඔවුන්ද රැකියාවලට යොමුකිරිමට හැකිවනු ඇතැයි පැවැසීය.
රුමේනියා රැකියා සඳහා විදේශ සේවා නියුක්ති කාර්යාංශය අය කරනු ලබන්නේ ලියාපදිංචි හා පරිපාලන ගාස්තුව, වීසා හා ගුවන් ටිකට්පත් ගාස්තුව පමණක් වන බව කී රාජ්ය අමාත්යවරයා කාර්යාංශය මගින් විශාල මුදලක් රුමේනියා රැකියා සදහා අයකරන බවට පැතිර යන ආරංචිය සාවද්ය බවද සදහන් කළේය.
පියංකර ජයරත්න මහතා මේ අදහස් පළ කළේ රුමේනියා රැකියා සඳහා යන ශ්රී ලාංකිකයන් කණ්ඩායමකට ගුවන් ටිකට්පත් භාර දෙන අවස්ථාවේ දීය.
COMMENTS
රුමේනියාව කියන්නේ දුප්පත් රටක් .එහේ ඉන්න මිනිස්සු ඇමරිකා , යූ කේ රටවලට යනවා දුප්පත්කම නිසා
කරුණාකර අයදුම්පතක් එවන්න...
යුරෝපයේ තියන දුප්පත්ම රට. රුමේනියානුවන් ලෝකෙ පුරා යනවා රැකියා හොයාගෙන. මේක මහ හතර බීරි කතාවක්. කාවද අන්දන්න හදන්නෙ?
තාක්ෂණය වැනි ඉහළ අංශවල රැකියා සඳහා විදේශිකයින් ලංකාවට පැමිණීමක් අසන්නට ලැබේවා....!!!
කොහොමද යන්නේ... කීයක් යනවද මුදල..?
මිනිසුන් රට රැකියාවට යන්නේ මේ රට ආර්ථිකව ශක්තිමත් නැති නිසයි. රට රැකියාවල කොහොමත් අවදානමක් තියනවා. මින් ලැබෙන සල්ලි සැලසුමක් නැතිව හරි හැටි විගණනයෙන් තොරව සමහර මෝඩ දේශපාලකයො තම මඩිය තරකරගන්න කෙළවරක් නැති බොරු සංවර්ධන ව්යාපෘතිවලට යොදවනවා. වහල් මානසිකත්වයෙන් දේශපාලකයන් උඩ දමමින් ජනතාව රජයේ රැකියා ගන්න දේශපාලකයන් පස්සෙ දුවන ප්රවනතාව හැම ආණ්ඩුවකම නියෝජිතයන්ටත් කරදරයක්. මේ විදියට රජයේ රැකියා ලැබුනත් අතට ලැබෙන මුදලෙ වටිනාකම මේ චක්රය තුල නැතිවෙනවා. දැන් දේශපාලකයින්ට කෑ ගසමින් වැටුප් වර්ධක ඉල්ලුවත් මේ චක්රය නිසා එය අපහසු බව පැහැදිලියි. එබැවින් බොරු වියදම් සදහා මේ විනිමය පාවිච්චි කරන්න තරම් අප පොහොසත් නැති බව සියල්ලෝ තේරුම් ගත යුතුයි.