IMG-LOGO

2025 පෙබරවාරි මස 14 වන සිකුරාදා


රන්ජන්ගේ හඬපට මුදාහැරියේ පොලිසියෙන් නොවේ

රන්ජන් රාමනායක මහතාගේ දුරකතන සංවාද ඇතුළත් හඬපට සමාජ හා විද්‍යුත් මාධ්‍ය වෙත මුදාහැරීම සිදුකළේ ශ්‍රී ලංකා පොලිසියෙන් බවට එල්ලවන චෝදනා පදනම් විරහිත බවත්, එම චෝදනා ප්‍රතික්‍ෂේප කරන බවත් පොලිස් මාධ්‍ය කොට්ඨාසය නිවේදනයක් නිකුත් කරමින් කියා සිටී

දැනට සමාජගතවී ඇති හඬපට සම්බන්ධ වගකීම දීර්ඝ කාලයක් තිස්සේ ඒවා ළඟ තබාගත් අයට පැවරෙන බවත්, පොලිසියට චෝදනා එල්ල කිරීම විමර්ශන කටයුතු අඩාල කිරීමේ හා මහජනතාව තුළ වැරදි ආකල්පයක් ඇතිකිරීමේ අරමුණින් කරන්නක් විය හැකි බවත් එම නිවේදනයේ දැක්වේ.

එහි මෙසේ ද සඳහන්ය.

2020 ජනවාරි මස 02 දින බත්තරමුල්ල ප්‍රදේශයේ පදිංචි ත්‍රිරෝද රථ රියදුරකු විසින් තම ත්‍රිරෝද රථයෙන් කුලි ගමනක් යමින් සිටි පුද්ගලයෙකු අමතකවීමෙන් දමා ගිය බාහිර දෘඩ තැටියක් (External Hard drive) මිරිහාන පොලිස් ස්ථානයට අනුයුක්ත පොලිස් පරීක්‍ෂක ජයන්ත පෙරේරා නිලධාරියා වෙත ගෙනවිත් භාර දී ඇත. එම බාහිර දෘඩ තැටිය පරීක්‍ෂා කිරීමේ දී පාර්ලිමේන්තු මන්ත්‍රී රන්ජන් රාමනායක මහතා විසින් සිදුකළ දුරකතන සංවාද විශාල ප්‍රමාණයක් පටිගතව ඇති බව පෙනී ගොස් ඇති අතර එහිදී ඔහු විසින් හිටපු අග්‍රාමාත්‍ය රනිල් වික්‍රමසිංහ මහතා, පාර්ලිමේන්තු මන්ත්‍රිනී හිරුණිකා ප්‍රේමචන්ද්‍ර මහත්මිය, හිටපු මහාධිකරණ විනිසුරු පද්මනි එන්. රණවක මහත්මිය, අල්ලස් හෝ දූෂණ චෝදනා විමර්ශන කොමිෂන් සභාවේ හිටපු අධ්‍යක්ෂිකා දිල්රුක්‍ෂි ඩයස්, අපරාධ පරීක්‍ෂණ දෙපාර්තමේන්තුවේ හිටපු අධ්‍යක්‍ෂ ශානි අබේසේකර ඇතුළු අධිකරණ ක්‍ෂේත්‍රයේ විනිසුරුතුමන්ලා මෙන්ම ශ්‍රී ලංකා පොලිසියට සම්බන්ධ නිලධාරීන් සමග සිදුකළ දුරකතන සංවාද ඇති බව ද පෙනී ගොස් ඇත.

මෙහිදී විශේෂයෙන්ම පාර්ලිමේන්තු මන්ත්‍රී රන්ජන් රාමනායක මහතා මාදිවෙල මන්ත්‍රී නිවාස සංකීර්ණය තුළ පිස්තෝල අවියක් භාවිත කරමින් අවි පුහුණුව ලැබූ බවටත්, එලෙස අවි පුහුණුව ලැබූයේ පාර්ලිමේන්තු මන්ත්‍රී මහින්දානන්ද අළුත්ගමගේ මහතා ඝාතනය කිරීම සඳහා බවටත් වන දුරකතන සංවාදයක් පැවතීම මත ඝාතන කුමන්ත්‍රණයක් දියත්වන බවට ඇති වූ සාධාරණ සැකය මත මෙලෙස පොලිසිය වෙත ලද බාහිර දෘඩ තැටියෙහි පළමු පිටපත සහ ඊට සම්බන්ධ වෙනත් දේපළ මෙන්ම දුරකතන සංවාදවල ඇතුළත් පිස්තෝල අවිය සොයා ගැනීම සඳහා මාදිවෙල මන්ත්‍රී නිවාස සංකීර්ණයේ පිහිටි අංක ඒ/05 දරන පාර්ලිමේන්තු මන්ත්‍රී රන්ජන් රාමනායක මහතාට අයත් නිල නිවස පරීක්‍ෂා කිරීම සඳහා නුගේගොඩ මහේස්ත්‍රාත් අධිකරණයට අංක බී 42/2020 යටතේ කරුණු වාර්තා කර 2020.01.04 දින සෝදිසි වරෙන්තුවක් ලබා ගැනීමට මිරිහාන පොලිස් ස්ථානයේ නිලධාරීන් විසින් කටයුතු කර ඇත.
මෙලෙස ලබාගත් සෝදිසි වරෙන්තුවට අනුව මිරිහාන පොලිස් ස්ථානයට අනුයුක්ත පොලිස් පරීක්‍ෂකවරයෙකු ඇතුළු නිලධාරීන් කණ්ඩායමක් ගොස් පාරලිමේන්තු මන්ත්‍රීවරයාගේ කැමැත්ත ඇතිව ඒ මහතාගේ ආරක්‍ෂක නිලධාරීන් හා ඒ මහතාගේ නිවසේ සිටි සේවකයන් මෙන්ම මන්ත්‍රීවරයාගේ අයිතිවාසිකම් වෙනුවෙන් එම ස්ථානයට පැමිණි නීතිඥ මහතකු ඉදිරියේ මෙම නිවස පූර්ණ පරීක්‍ෂාවට ලක්කර ඇත.

මෙම සෝදිසි කිරීම 2020 ජනවාරි මස 04 වන දින සවස පැය 15.00 සිට පැය. 19.30 දක්වා කාලසීමාව තුළ සිදුකර ඇති අතර එම සෝදිසි කිරීම්වල දී මන්ත්‍රීවරයාගේ නිදන කාමරයේ සහ එම කාමරයට යාබ ද කාමරය තුළ මන්ත්‍රීවරයාගේ සන්තකයේ තිබී පහත සඳහන් දේපළ සොයාගෙන නඩු භාණ්ඩ වශයෙන් අත්අඩංගුවට ගෙන ඇත.

2016 වර්ෂයෙන් පසු ලියාපදිංචි කර නොමැති අංක CZ 75 BA186950 අංකය සහිත 9 එම්.එම්. වර්ගයේ ගිනි අවියක් හා එම අවිය සඳහා භාවිත කරන පතරොම් ගැබ් 02ක්, 9 එම්.එම්. වර්ගයේ ජීව උණ්ඩ 127ක් හා පිස්තෝල බහාලන කොපුවක්.

ලැප්ටොප් පරිගණක යන්ත්‍ර 02යි
බාහිර දෘඩ තැටි (External Hard Drive)  04යි.
හාර්ඩ් ඩිස්ක් (Hard Drive) 05යි.
ජංගම දුරකතන 01යි
විවිධ වර්ගයේ D.V.D පට 164යි.
වසීම් තාජුඩීන් ඝාතනය පිළිබඳ විස්තර ඇතුළත් ගොනු 02යි.

ඉහත පරිදි අත්අඩංගුවට ගනු ලැබූ දේපළ අතුරින් ලියාපදිංචි නොකළ ගිනි අවිය සමග අත්අඩංගුවට ගත් ජීව උණ්ඩ 127 සමග එම උණ්ඩ බහාලන ලද ඇසුරුම් 03ක්ද අත්අඩංගුවට ගෙන ඇති  අතර එම එක් ඇසුරුමක උණ්ඩ 50 බැගින් මුළු උණ්ඩ 150ක් තිබිය යුතුව ඇතත් ඉන් 23ක ප්‍රමාණයක් නොතිබීම මත අදාළ උණ්ඩ භාවිත කරමින් මෙම පාර්ලිමේන්තු මන්ත්‍රීවරයා කිසියම් සාහසික ක්‍රියාවක් සිදුකළේ ද?, එසේ නොමැතිනම් මෙම ගිනිඅවිය සමග එම උණ්ඩ යම් අපරාධයක් සිදුකිරීම වෙනුවෙන් වෙනත් පුද්ගලයකුට හෝ පුද්ගල කණ්ඩායමකට ලබාදී තිබේද? යන කරුණ පිළිබඳව පොලිස් නිලධාරීන් තුළ ඇති වූ බරපතළ සැකය මත පාර්ලිමේන්තු මන්ත්‍රී රන්ජන් රාමනායක මහතා අදාළ දේපළද සමග 2020 ජනවාරි 04 වන දින පැය 19.30ට පමණ අත්අඩංගුවට ගෙන ඇත.

මෙලෙස අත්අඩංගුවට ගත් දේපළ පාර්ලිමේන්තු මන්ත්‍රීවරයාගේ වම් මාපට ඇඟිලි සලකුණ සහිතව මුද්‍රා තබා ආරක්‍ෂිතව තබා ඇති අතර ඉදිරි ආසන්තම දිනකදී මෙම දේපළ නඩු භාණ්ඩ වශයෙන් නුගේගොඩ මහේස්ත්‍රාත් අධිකරණය වෙත ඉදිරිපත්  කර වැඩිදුර විමර්ශන සඳහා රජයේ රස පරීක්‍ෂක දෙපාර්තමේන්තුව වෙත ඉදිරිපත් කිරීමට නියමිතව ඇත.

ඒ අනුව ඉහත සඳහන් දේපළවල ඇතුළත්ව ඇති රන්ජන් රාමනායක මහතා විසින් විවිධ පුද්ගලයන් විශාල ප්‍රමාණයක් සමග සිදුකළ දුරකතන සංවාද ඇතුළත් හඬපටවල සඳහන් කරුණු මේ දිනවල සමාජ ජාල මාධ්‍ය ඔස්සේ සහ විද්‍යුත් මාධ්‍ය ඔස්සේ ප්‍රචාරය වීම සම්බන්ධව විවිධ පාර්ශ්වයන් කරනු ලබන චෝදනා ශ්‍රී ලංකා පොලිසිය විසින් ප්‍රතික්‍ෂේප කරන අතර රන්ජන් රාමනායක මහතා තම පුද්ගලික සන්තකයේ තබාගෙන සිටි දුරකතන සංවාදවලට අදාළ තොරතුරු මෙලෙස සමාජගතවීම සිදුවී ඇත්තේ ඒ මහතා සතුව එම බාහිර දෘඩ තැටි පැවැති අවස්ථාවක බවට නිරීක්‍ෂණය වන බව ද ප්‍රකාශ කර සිටිමු.

ඒ අනුව විවිධ පුද්ගලයන් හා සමාජ ජාල මාධ්‍ය ඔස්සේ ශීඝ්‍රයෙන් සංසරණය වන මෙම සිදුවීමට අදාළ දුරකතන සංවාද ඇතුළත් හඬ පට එම සමාජ මාධ්‍ය හා විද්‍යුත් මාධ්‍ය වෙත මෙලෙස මුදා හැරීම ශ්‍රී ලංකා පොලිසිය විසින් සිදුකළ බවට විවිධ පාර්ශ්වයන් විසින් ජනමාධ්‍ය ඔස්සේ සිදුකරනු ලබන චෝදනා පදනම් විරහිතව සිදුකරන බැවින් මෙම ප්‍රශ්නගත දුරකතන සංවා ද ඇතුළත් හඬ පට යොදා ගනිමින් ශ්‍රී ලංකා පොලිසිය විසින් සිදුකරනු ලබන විමර්ශන කටයුතු අඩාල කිරීම සඳහාත්, එල්ල වන බරපතළ චෝදනාවලින් නිදහස් වීම සඳහා මහජනතාව තුළ වැරදි ආකල්පයක් ඇතිකරවීම සඳහාත් කරනු ලබන මෙම චෝදනා ශ්‍රී ලංකා පොලිසිය විසින් බැහැර කරනු ලබන අතර දැනට සමාජ ගතවී ඇති සිද්ධි ගත දුරකතන සංවාදවල ඇතුළත් හඬපට සම්බන්ධ වගකීම මුළුමනින්ම පැවරෙන්නේ දීර්ඝ කාලයක සිට ඒවා සන්තකයේ තබාගෙන සිටි අයවලුන්ට බවද ප්‍රකාශ කර සිටිමු.



අදහස් (15)

රන්ජන්ගේ හඬපට මුදාහැරියේ පොලිසියෙන් නොවේ

Bandara Friday, 10 January 2020 05:41 AM

අපිටනම් පිට කළේ කවුද කියලා වැඩක් නෑ. කවුරු වුනත් කළේ හොඳ දෙයක්. නැත්නම් අපි තවමත් මේ යෝධයට රැවටෙනවා.

:       73       170

KamalFriday, 10 January 2020 08:19 AM

ඇයි ඔයා කලින් රැවටුනාද?

:       0       288

BamunuarachchiFriday, 10 January 2020 11:35 AM

නැතුව නැතුව පෙන්නුවේ මා සුද්දවන්තයෙක් බවයි. අනික් අය කතෝලිකද කියා මෙය සෙව්වාට මෑන් තමන්ගේ ආගම ෆේල්...

:       1       1

rasi Friday, 10 January 2020 07:50 AM

ඩේසි ආච්චිට මැණික් මල්ල ලැබුන කතාව විශ්වාස කළත් මේ කතාව නම් විශ්වාස කරන්න බැහැ.

:       20       257

BamunuarachchiFriday, 10 January 2020 11:39 AM

ඩේසි ආච්චිගේ මල්ල විශ්වාස කරන එක පුදුමයක්ද? ඔහෙලා මහින්දගේ ලැම්බෝගිනි විශ්වාස කළානම්...

:       29       6

subodhaFriday, 10 January 2020 12:47 PM

මොකද නැත්තේ? එයාලා ලම්බෝගිනිය හැංගුවා. එහෙම නැතිනම් රටෙන් පිටකළා. ඔබ වැනි ගෝත්‍රික වහලුන් සිටිනතාක් කල් මේ රට මෙහෙමයි. මම හිතනවා දැන් ගොක්කොළ පෙනෙනවා ඇති කියා. රන්ජන් ඔබට ස්තුතියි මේ දූෂිතයින් ඔක්කොමගේ වැඩකිඩ මහජනතාවට දැනගන්න සැලැස්සුවාට.

:       0       52

BamunuarachchiSaturday, 11 January 2020 11:52 AM

මෙන්න තව එක්කෙනෙක්. හලෝ ඔහේ ලැම්බෝ ගිනිත් මරුටි ගානට දාලද කතා කරන්නේ? ඔහේගේ දැනුමට ලැම්බෝගිනි ගැන කතා කරලා වැඩක් නැත. රන්ජන්ටමයි ගොක්කොළ පෙනෙන්නේ. විමල් වීරවංශ රන්ජන්ට නියම නම්බු නාමය දුන්නා. දුමින්ද නිදහස් උනාම කීප දෙනෙකුට ගොක්කොළ ගනින්න වෙයි.

:       1       0

රවින් Friday, 10 January 2020 08:17 AM

දඩ මසුයි, ගොරකයි අතර වෙනස දන්නවාද? ඊයේ පෙරේදා පළවුණු සෙල්ලම් පිස්තොලෙයි ඇත්ත පිස්තොලෙයි අඳුනන්න බැරි කට්ටිය ඉන්නා දෙපාර්තුමේන්තුවේ මේකත් කජ්ජක්ද? ඒ මනුස්සයාගේ ජිවිතයට වුනු කැළල? අහිංසක දුදරුවන්ට වූ මානසික කැළල ? නිකම් බබාලා වෙන්න හදනවා.

:       0       54

Bamunuarachchi Friday, 10 January 2020 11:37 AM

"රන්ජන්ගේ හඬපට මුදාහැරියේ පොලිසියෙන් නොවේ" මා කලින්ම මේ ගැන කීවා ඒ ඒ පුද්ගලයින් ළඟ සෑහෙන්න කොපි තිබෙනවා. වෙලාවට එකින් එක එළියට එ්වි.. වැඩිය දැඟලුවොත් පිටකොටුවේ පේමන්ට් එකේ විකුණන්න තියේවි...

:       24       1

Bamunuarachchi Friday, 10 January 2020 11:42 AM

රන්ජන්ගේ හඬපට මුදාහැරියේ පොලිසියෙන් නොවේ..

:       32       0

ravinFriday, 10 January 2020 01:52 PM

රාළහාමි දැන් පොලිසියේ ප්‍රේක්ෂකයා වෙලාද..?

:       0       1

weerasinha polpithimukalana Friday, 10 January 2020 12:15 PM

අද පෝයදා.. කව්ද අනේ මේ බැමිණි ආච්චි...?

:       0       1

karuFriday, 10 January 2020 01:54 PM

නාකි බමුණෙක්... බැමිණි ගෙදර.. ඔහේ කියවනවා. අනේ මන්දා... ගෝත්‍රික වහලෙක්.

:       0       1

BamunuarachchiSaturday, 11 January 2020 11:55 AM

නාකි උනත් බමුණෙක්. රන්ජන් වැනි නරුමයෙක් අනුමත කරන වසලයෙක් නොවෙයි.

:       1       0

Thiline Friday, 10 January 2020 06:16 PM

කොහොමද අත්අඩංගුවට ගත්තට පස්සේ ඔය ටේප් පටි අන්තර්ජාලයට ආවේ? ඒවා තියන් හිටපු අයට දැන්ද අන්තර්ජාලයට ඕවා අතහරින්න හිතුනේ?

:       0       1

ඔබේ අදහස් එවන්න

 

 

දියත

ට්‍රම්ප් මෝදි හමුවක්
2025 පෙබරවාරි මස 14 5 0

ඇමෙරිකා ගිය ඉන්දීය අග්‍රාමාත්‍ය නරේන්ද්‍ර මෝදි සහ ඇමෙරිකන් ජනාධිපති ඩොනල්ඩ් ට්‍රම්ප් අතරේ හමුවක් ධවල මන්දිරයේ දී පැවැත්විණි.


ඇමෙරිකාවේ අරමුදලින් ක්‍රියාත්මක ව්‍යාපෘති දෙකක් නවතයි
2025 පෙබරවාරි මස 13 1098 0

ඇමෙරිකාවේ අරමුදල් මත ක්‍රියාත්මක වූ මෙරට ව්‍යාපෘති දෙකක් සඳහා මුදල් යෙදවීම නතර කිරීමට තීරණය කළ බව රජයේ කාර්යක්ෂමතා දෙපාර්තමේන්තුව(ඩොජ්) පසුගියදා ප්‍


ගිනි අවියත් අරන් පැන්න පී.සීගේ පෙම්වතියගෙන් ප්‍රකාශයක්
2025 පෙබරවාරි මස 13 765 0

ටී 56 ගිනි අවියක් රැගෙන ගොස් ඩුබායි රාජ්‍යයට පලා ගිය පොලිස් කොස්තාපල් වරයාගේ පෙම්වතිය බව කියන නැටුම් ගුරුවරියකගෙන් ප්‍රකාශයක් සටහන් කර ගත් බව ගල්කිස්ස


’’බිල අඩු වුණත් බඩු අඩු වෙලා නෑ’’
2025 පෙබරවාරි මස 13 290 0

රජය විදුලි බිල සියයට 20ත් 30 ත් අතර සංඛ්‍යාවකින් අඩු කළද ඊට සාපේක්ෂව වෙළඳපොළේ අත්‍යවශ්‍ය ආහාර ද්‍රව්‍ය ඇතුළු වෙළෙඳ භාණ්ඩ අඩු කිරීමට පියවර නොගැනීමෙන් තම


තරුණයකුට බොරු චෝදනා එල්ල කළ පොලිසියේ තුනකට වන්දි ගෙවන්න වෙයි
2025 පෙබරවාරි මස 13 794 0

සොරකමක් සම්බන්ධයෙන් පාපොච්චාරණයක් ලබා ගැනීම සඳහා අත්අඩංගුවට ගත් තරුණයකුගේ අත් පා බැඳ එල්ලා අමානුෂික ලෙස පහර දී වධ හිංසාවට භාජනය කොට එම පාපොච්චාරණය ප


අයවැය අවසන් පූර්ව සාකච්ඡාව පැවැත්වෙයි
2025 පෙබරවාරි මස 13 867 0

අයවැය ලේඛනය සකස් කිරීමේ අවසන් පූර්ව සාකච්ඡාවක් ජනාධිපති අනුර කුමාර දිසානායක මහතාගේ ප්‍රධානත්වයෙන් ජනාධිපති කාර්යාලයේදී අද (13) පස්වරුවේ පැවැත්විණි.


මේවාටත් කැමතිවනු ඇති

Samsung සමාගමෙන් උසස් AI විශේෂාංග වලින් සමන්විත දොර දෙකේ Bespoke AI ශීතකරණ මාලාවක් 2025 පෙබරවාරි මස 07 168 0
Samsung සමාගමෙන් උසස් AI විශේෂාංග වලින් සමන්විත දොර දෙකේ Bespoke AI ශීතකරණ මාලාවක්

ශ්‍රී ලංකාවේ අංක එකේ පාරිභෝගික ඉලෙක්ට්‍රොනික සන්නාමය වන Samsung සිය නවතම දොර දෙකේ Bespoke AI ශීතකරණ මාලාව ශ්‍රී ලංකාවට හදුන්වාදෙන ලදි.

උසස් පෙළින් පසු ඔබේ අනාගතය සැලසුම්කරන්න NSBM “Meet Your Lecturer” මේ සතිඅන්තයේ 2025 ජනවාරි මස 23 131 0
උසස් පෙළින් පසු ඔබේ අනාගතය සැලසුම්කරන්න NSBM “Meet Your Lecturer” මේ සතිඅන්තයේ

මෙවර උසස් පෙළ අවසන් කළ සිසුන්ට නිවැරදි මග පෙන්වීමක් ඇතිව තම අනාගතය සැලසුම් කිරීමට අවස්ථාව ලබාදෙමින් මෙරට ප්‍රමුඛතම විශ්වවිද්‍යාලයක් වන NSBM

“NSBM Edu Fair” උසස් අධ්‍යාපන  ප්‍රදර්ශනය  මේ සති අන්තයේ කොළඹ සහ මහනුවර දී 2025 ජනවාරි මස 08 920 0
“NSBM Edu Fair” උසස් අධ්‍යාපන ප්‍රදර්ශනය මේ සති අන්තයේ කොළඹ සහ මහනුවර දී

NSBM හරිත සරසවියේ 2025 ජනවාරි නව බඳවා ගැනීම සඳහා පැවැත්වූ “NSBM Open Day” ප්‍රදර්ශනය අති සාර්ථක ලෙස ඉකුත් සතිඅන්තයේ විශ්වවිද්‍යාල පරිශ්‍රයේදී පැවැත්විණි.

Our Group Site