රන්ජන්ගේ ආන්දෝලනාත්මක හඬපට ගැන විවාදයක් පවත්වන්නැයි මන්ත්‍රීවරු ඉල්ලති

(සුජිත් හේවාජුලිගේ , ආරියරත්න රණබාහු සහ අංජුල මහික වීරරත්න)

හිටපු රාජ්‍ය අමාත්‍ය රන්ජන් රාමනායක මහතාගේ ආන්දෝලනාත්මක හඬපට පිළිබඳ සිද්ධිය සම්බන්ධයෙන් පාර්ලිමේන්තු විවාදයක් පවත්වන්නැයි කතානායකවරයාගෙන් ඉල්ලීමක් කිරීමට ආණ්ඩු පක්ෂයේ මන්ත්‍රීවරු බලාපොරොත්තු වෙති.

පාර්ලිමේන්තු මන්ත්‍රීවරයෙකු විසින් කරන ලද මේ ක්‍රියාව හේතුවෙන් සමස්ත අධිකරණ ක්ෂේත්‍රය මෙන්ම පාර්ලිමේන්තුවද හෑල්ලුවට පත්ව ඇති හෙයින් මේ සම්බන්ධයෙන් විවාදයක් පවත්වා ජනතාවට කරුණු ඉදිරිපත් කිරීම වැදගත් වන බව අධ්‍යාපන අමාත්‍ය ඩලස් අලහප්පෙරුම මහතා ලංකාදීපයට පැවසීය.

මේ කුමන්ත්‍රණවලට සම්බන්ධ වූ සියලු දෙනාට විරුද්ධව නීතිය ක්‍රියාත්මක විය යුතු බවද ඇමැතිවරයා කීවේය.

මේ සම්බන්ධයෙන් රාජ්‍ය අමාත්‍ය අනුර ප්‍රියදර්ශන යාපා මහතාගෙන් කළ විමසුමකදී ඔහු ප්‍රකාශ කළේ මෙම හඬපටය බැරැරුම් සිද්ධියක් ලෙස සලකා ඊයේ දිනයේදී දීර්ඝව සාකච්ඡා කළ බවයි.

රන්ජන් රාමනායක මහතාගේ හඬපටවල තවත් බැරැරුම් කරුණු රාශියක් අඩංගුව තිබෙන බව කී රාජ්‍ය ඇමැතිවරයා ඒවාද ඉදිරියේදී ජනතාවට ඉරිපත් කෙරෙණු ඇතැයි පැවසීය.

අදහස් (5)

රන්ජන්ගේ ආන්දෝලනාත්මක හඬපට ගැන විවාදයක් පවත්වන්නැයි මන්ත්‍රීවරු ඉල්ලති

Mahee Tuesday, 07 January 2020 01:26 PM

මං දැනගෙන හිටියේ නෑ නොව අට පාස් කට්ටියත් නඩු අහනවා කියලා. මේක දැන් උසාවියෙන්ද අහන්නේ නැත්නම් අට පාස් කට්ටියගේ බංගලාවෙන්ද අහන්නේ? කියන්නේ නම් උසාවියේ තියෙන කරුණක් ගැන වෙන තැනක කට අරින්න හොඳ නැහැ කියලයි.

: 11 182

විජිත්Tuesday, 07 January 2020 02:33 PM

මහී මල්ලි, ඇයි ඔයාට මතක නැද්ද හිටපු අගවිනිසුරුවරිය ශිරානි බණ්ඩාරනායක මහත්මියට විරුද්ධව දියවන්නාවේ මන්දිරයේ පවත්වපු මේ ලෝකේ කිසිම නීතියකට ගැලපෙන්නේ නැති "නඩු විභාගයේදී" එතුමියට විරුද්ධව එතුමියගෙන් හරස් ප්‍රශ්න ඇසුවේ 8 පාස් නරි රෑනක් විසින් බව. ඒ හොර උසාවියේ නඩු කාරයා ඊටත් හපන්. මිනිහා අපොස සාපෙළ සමත් පෙරකදෝරුවෙක්. කුලියාපිටියේ උසාවියේ කසිප්පු කේස් ඔක්කොටම මිනිහා තමයි පෙනී සිටින්නේ. නමුත් ඒ අතරේ මිනිහාගේ කුලියාපිටියේ වත්තේ හොර අරක්කු පෙරනවා.

: 153 304

MaheeWednesday, 08 January 2020 02:26 AM

සම්පූර්ණ ඇත්ත විජිත්, වරක් විජයානන්ද දහනායක අගමැති කතා කරමින් ඉන්දැද්දී මන්ත්‍රීවරු කෙළවරක් නැතුව බාධා කළා. යකා නැග්ග දහනායක කිව්වා, "ගරු කතානායකතුමනි, මේ සභාවේ ඉන්න මන්ත්‍රීලාගෙන් භාගයක් අමු පිස්සන්" කියලා. ලොකු විරෝධයක් මතුවුණා. කතානායක කිව්වා "වහාම ඒ කියමන ඉල්ලා අස්කරගන්න... මන්ත්‍රීවරුන්ට පිස්සන් කියන්න බෑ" කියලා. දහනායක ඒක ඉල්ලා අස්කරගත්තා මෙහෙම "ගරු කතානායකතුමනි, මං ඒ කියමන ඉල්ලා අස්කරගන්නවා, කණගාටුයි, මේ සභාවේ ඉන්න මන්ත්‍රීලාගෙන් භාගයක් පිස්සන් නෙමෙයි". දැන් රන්ජන්ගේ නඩුව අහන්නේ කොයි බාගේ කට්ටියද කියලා අපි හිතාගනිමු...

: 0 0

HELARATAWASIYA Tuesday, 07 January 2020 01:50 PM

එහෙම කියන්න ඕක අර 69 ලක්ෂේ බුද්ධිමත් ජනතාවගේ උත්තරීතර සාමාජිකයන් ඉන්න තැනක් ඕක. 8 පාස් නැති අයට විශාල ජනපදනමක් තියෙනවා මේ රටේ. එක උඩගෙඩි දෙන වියත් රැළකුත් ඉන්නවනේ. ඕක තමයි ජනතා පරමාධිපත්‍යය. අපහාස කරන්න එපා.

: 1 163

lalithm Wednesday, 08 January 2020 02:46 AM

69 ලක්ෂයක් ඡන්ද මේ වගේ ජෝක් වලින් කිලිටි නොකර බලාපොරොත්තුවුන වැඩට බැස්ස නම් නේද හරි. නැතිනම් 2015 වගේ රොටි තැටි ආයිමත් රත්වෙයි.

: 0 1