IMG-LOGO

2024 මැයි මස 18 වන සෙනසුරාදා


රාජ්‍ය නිලධාරීන් පාර්ලිමේන්තු ගෞරවයට හානි කරනවා

(නිමල කොඩිතුවක්කු)


පාර්ලිමේන්තුවේ ගෞරවයට හා උත්තරීතර භාවයට හානි කරමින් ඇතැම්  ජ්‍යෙෂ්ඨ රාජ්‍ය නිලධාරීන් හැසිරෙන ආකාරය ඉතාමත්ම පිලිකුල් සහගත බව සාධාරණ සමාජයක් සඳහා වන ජාතික ව්‍යාපාරයේ  සභාපති හිටපු කථානායක කරු ජයසූරිය මහතා කොළඹදී පැවසීය.


මේ සම්බන්ධයෙන්  පාර්ලිමේන්තුව නියෝජනය කරන සියලුම දේශපාලන පක්‍ෂවලට අයත් මන්ත්‍රීතුමන්ලා අවධානය යොමුකල යුතු බවත් පැවසූ ජයසූරිය මහතා ඒ පිළිබඳ   කතානායකතුමා දරන ස්ථාවරය පිළිබඳවත් විමසා සිටියේය.


සාධාරණ සමාජයක් සඳහා වූ ජාතික ව්‍යාපාරය කොළඹ දී අද(17) කැඳවූ මාධ්‍ය හමුවකට එක්වෙමින් ඔහු මේ බව පැවසීය.
එහිදී වැඩිදුරටත් අදහස් දැක්වූ කරු ජයසූරිය මහතා මෙසේද කීවේය .

     "සාධාරණ සමාජයක් සඳහා වන ජාතික ව්‍යාපාරය මේ රටේ සමාජ දේශපාලන, සංස්කෘතික හා ආර්ථික කරුණු පිලිබදව අවධානය යොමු කරන්නේ රටේත් මහජනතාවගේත් අභිවෘද්ධිය උදෙසා අප විසින් සිදුකල යුතුව ඇති ජාතික වගකීමකට උරදීමටයි. සංවිධානයක් ලෙස අපට බලය සදහා වන දේශපාලනික අරමුණු කිසිවක් නැහැ.


සාධාරණ සමාජයක් සඳහා වන ජාතික ව්‍යාපාරය සංවිධානයක් ලෙස එදත්, අදත් එමෙන්ම හෙට දවසේත් පෙනී සිටින්නේ මේ රටේ ප්‍රජාතන්ත්‍රවාදය, ජනතාවගේ නිදහස හා අයිතිවාසිකම් වෙනුවෙන්.


ප්‍රජාතන්ත්‍රවාදී පාලන සම්ප්‍රදායක මහජනතාවගේ සැබෑ නියෝජනය පිළිබිඹු කරන්නේ මහජන මන්ත්‍රණ සභාවකිනි. නූතන දියුණු ප්‍රජාතන්ත්‍රවාදී රටවල්හි පාර්ලිමේන්තුව මඟින් මූර්තිමත් කරන්නේ එකී මහජන නියෝජිතත්වයයි.


අප රටේ දේශපාලන විකාශය සැලකීමේදී ශ්‍රී ලංකාවේ පාර්ලිමේන්තුව සංකේතවත් කරන්නේද මහජනතාවගේ පරමාධිපත්‍ය බලය හා රාජ්‍යයේ ප්‍රජාතන්ත්‍රවාදි ස්වභාවයයි. අපේ පාර්ලිමේන්තුවට කීර්තිමත් ඉතිහාසයක් තිබේ. ප්‍රජාතන්ත්‍රවාදි පාලන සම්ප්‍රදායන් පෝෂණය කළ කිර්තිමත් දේශපාලඥයන් පිළිබදව මෙන්ම අපගේ පාර්ලිමේන්තු ක්‍රමය සමස්ත ලෝකයේම ගෞරවයටද අවධානයටද පාත්‍ර වී තිබේ.


මෑත යුගයේදී පාර්ලිමේන්තුවට කරන ලද බරපතලම හානිය හා අපහාසය වන්නේ පාර්ලිමේන්තුවේ පූර්ණ එකඟත්වයකින් බිහිකල මහජන උපයෝගීතා කොමිෂම අක්‍රිය කිරීම සදහා බාහිර පුද්ගලයන් විසින් උත්සහ කිරිමයි. ජනාධිපති ලේකම්ගේ උපදෙස් අනුව භාණ්ඩාගාර ලේකම්වරයා විසින් එය අහෝසි කිරීමට තැත් කිරිමයි. එමෙන්ම එම කොමිෂමේ සාමාජිකයන්ට ඉල්ලා අස්වන ලෙස එකී උදවිය බලකර සිටීමයි. එවැනි උත්සහයන් දරුණු, අත්තනෝමතික, ප්‍රජාතන්ත්‍ර විරෝධී ක්‍රියා වනවා පමණක් නොව විධායකයේ බලය පාර්ලිමේන්තුව වෙත අනිසි ලෙස යෙදවීමක්ද වෙනවා.


මහජන උපයෝගීතා කොමිෂම ස්ථාපනය කරන ලද පනත වෙනස් කිරිමට රජයට අවශ්‍යතාවයක් තිබුණේනම් එය කලයුතුව තිබුණේ කැබිනට් මණ්ඩලයේ අනුමැතිය ලබාගෙන පාර්ලිමේන්තුව හරහා විධිමත් ආකාරයට එය සිදු කිරිම මඟිනුයි. එහෙත් අද සිදුවෙමින් පවතින්නේ කුමක්ද? මෙවැනි නොබිනා ක්‍රියා සිදුවනවිට පාර්ලිමේන්තුවේ හිටපු කතානායකවරයෙක් ලෙස අපට ඇතිවන්නේ කනගාටුවකි. ඒ වගේම ලැජ්ජාවක්. පාර්ලිමේන්තුවේ ගෞරවයට හා උත්තරීතර භාවයට හානි කරමින් මේ රටේ සමහර ජේෂ්ඨ රාජ්‍ය නිලධාරීන් හැසිරෙන ආකාරය ඉතාමත්ම පිලිකුල් සහගතයි. මේ ගැන පාර්ලිමේන්තුව නියෝජනය කරන සියලුම දේශපාලන පක්‍ෂවලට අයත් මන්ත්‍රීතුමන්ලා අවධානය යොමුකල යුතුය. ඒ වගේම  කතානායකතුමා ඒ පිලිබදව වන එතුමාගේ ස්ථාවරය පැහැදිලි කල යුතුව ඇතැයි ද අප විශ්වාස කරනවා.


මහජන උපයෝගීතා කොමිෂම ස්ථාපිත කරන්නේ 2002 වසරේදී ගෙනඑන ලැබූ පනතක් මඟිනුයි. එම පනත ගෙනඑනු ලැබුවේ ජනතාව වෙනුවෙනුයි. අසාධාරණ ලෙස මිල වැඩි කරලමින් ජනතාව පෙලීමට ඇති ඉඩකඩ වලක්වාලීමටයි. පාරිභෝගිකයා ආරක්ෂා කිරීමටයි. එමෙන්ම අයුතු ලෙස මිල ගණන් ගෙවා විදුලිය මිලදී ගැනීම් මඟින් රජයට සිදු කරන අලාභයන් වලක්වාලීමටයි.


පසුගිය අවුරුදු  19 තුළ මෙම ආයතනය සිය රාජකාරිය ඉටු කලා. රටේ පිළිගත්, බුද්ධිමත් පුද්ගලයින් මේ සඳහා පත්කර තිබුණා. පසුගියදා අයින්වුණු සාමාජිකයන්ද එවැනි ගෞරවණීය කණ්ඩායමක්. එසේ හෙයින් මෙතරම් ඵලදායි ආයතනයක් විනාශ කිරිමට හේතු මොනවා ද? එය දුෂ්ඨ සිතකින් සිදුවූවක් ලෙස සමාජය දකිනවා.


අස්වුණු සාමාජිකයන් වෙනුවට නව පත්වීම් කිරීමට විධායකය බලාපොරොත්තුවන බව වාර්තා වුණා. එවැනි ක්‍රියාදාමයක් කෙරේනම් රටේ ජනතාව මෙන්ම අපද පූර්ණ වශයෙන් ඊට විරුද්ධ වෙනවා. මේක අමු අමුවේ ජනතාව රැවටීමක්. ලඟදී පත්කල කොමිෂන් සභාවලට මෙන්ම මේ සඳහාද ඔවුන් තම තමන්ගේ දේශපාලන මිත්‍රයින් පත්කර ගනීවි.


   20 වැනි සංශෝධනය අනුව පසුගියදා පාර්ලිමේන්තු සභාව විසින් පත්කල පුද්ගයින් අතර පවතින ආණ්ඩුව වෙනුවෙන් පූර්ණ කාලීනව දේශපාලනයේ නිරත වූ හා නිරත වන පුද්ගලයින්ද බොහෝ දෙනෙක් සිටිනබව මහජනතාව හොඳින් දන්නා කරුණක්. මේ  පත්විම් ගැන ජනතාව තුළ දැඩි විරෝධයක් ඇති බව රජයේ බලධාරීන් තේරුම් ගතයුතුයි.


පාර්ලිමේන්තු සභාව හිතුවක්කාර ලෙස විපක්‍ෂයේ සාමාජිකයින්ගේද විරෝධය නොතකා පක්‍ෂග්‍රාහි දේශපාලන පත්විම් කරන්නේ නම් ඔවුන්ට තවදුරටත් සදාචාරාත්මක ලෙස එහි සාමාජිකයන් ලෙස රැඳී සිටිමට හැකිද යන්න ගැනත් ජනතාව අතර මතයක් ගොඩනැගෙමින් තිබෙනවා.


18 වැනි සංශෝධනය මඟිනුත් මෙවැනි ඒකාධිකාර පත්විම් කරන විට එදා සිටි මන්ත්‍රී සාමාජිකයන් දෙදෙනෙකු එම සභාවෙන් ඉවත්වු බවත් අපට සිහිවෙනවා. සමාජයේ පොදු මතයත්, සංවිධානයක් ලෙස අපේ මතයත් වනුයේ පැවැති මහජන උපයෝගීතා කොමිෂම හා එහි හිටපු සාමාජිකයන්ගේ කිසිම වෙනසක් සිදු නොවිය යුතුබවයි. මෙම කරුණ පාර්ලිමේන්තු සභාවේ සාමාජිකයන්ගේ අවධානයට යොමු කිරිමට කැමතියි. මෙහිදි ඔවුන් සිය හෘද සාක්ෂිය අනුව එඩිතරව කටයුතු කරනු ඇතැයි ජනතාව බලාපොරොත්තු වෙනවා.


මීට කලිනුත් සඳහන් කළ ආකාරයට මහජනතාව අවදියෙන් සිටින බව රජය තේරුම් ගනු ඇතැයි අපි විශ්වාස කරනවා.ජනතාවගේ බුද්ධියට නිගා නොකරන ලෙස අප නැවත නැවතත් බලධාරීන්ට කියනවා.


අපි ස්වාධීන ආයතනයක්. අපි හඬ නඟන්නේ 19 වැනි සංශෝධනයෙන් බලගැන්වූ 20 වැනි සංශෝධනයෙන් විනාශ වුණු ප්‍රජාතන්ත්‍රවාදී අයිතීන් රැකගැනීම සඳහායි.ගෞරවණීය සෝභිත හිමිපාණන් වහන්සේ විසින් උතුම් පරමාර්ථ ඇතිව ආරම්භ කළ මේ වැඩ පිළිවෙල කවර බාධක ආවත් අප හෙට දවසේත් රට වෙනුවෙන් ක්‍රියාවට නගනවා. නමුත් එහිදී මේ රටේ ප්‍රධාන ධාරාවේ බොහෝ මාධ්‍යවල සහය අපට නොලැබෙන බව පෙනී යනවා.


සමහර ප්‍රධානපෙලේ පුවත්පත් හා විද්‍යුත් නාලිකා වල ඕනෑකමින්ම මහා සංඝරත්නයේ සහ අනෙකුත් කොටස් වල අදහස් හා විවේචන මාතෘභූමියට කෙතරම් වැදගත් වුවත්  පළකරන්නේ නැහැ. සෝභිත මහනාහිමියන් ජීවත්ව වැඩසිටින අවධියේත් සාධාරණ සමාජයක් ඇති කිරීමට පෙරමුණ ගැනීමේදී මෙම සිදුවීම් එලෙසින්ම අත්දැකීමට සිදු වුණා.


   ඒ ගැන විශේෂයෙන්ම මේ රටේ මහා සංඝ රත්නය ප්‍රමුඛ දැනුවත් ප්‍රජාව අපගෙන් විමසනවා. උන්වහන්සේලා කිහිප වතාවක්ම මේ පිළිබඳව කණගාටුවෙන් කතා කළා.අප ඒ ගැන විමසීමේදී මාධ්‍යවේදීන් අපට කියන්නේ ඉහල තීන්දු තීරණ පිලිබදව වගකීමක් ඔවුන්ට ගත නොහැකි බවයි. ඒ කෙසේ නමුත් සාධාරණ සමාජයක් සදහා වන ජාතික ව්‍යාපාරය සතු වගකීම රට වෙනුවෙන් අප ඉටු කරනවා. 



අදහස් (11)

රාජ්‍ය නිලධාරීන් පාර්ලිමේන්තු ගෞරවයට හානි කරනවා

mp Thursday, 17 December 2020 10:35 AM

පාර්ලිමේන්තුවේ පසුගිය කාලේ හූ කිව්වේ නරි ඇවිල්ල ද? ඒ කාලයේ ගෞරවය රැකෙන විදියට කටයුතු කළාද?

:       5       12

Ranga Thursday, 17 December 2020 10:38 AM

එතකොට රවී ඉන්න කාලේ වැඩි මුදලට විදුලිය ගත්තේ ඇයි? නැව්වලින්....

:       4       10

සමිත සේනක අලුත්ගමගේ. Thursday, 17 December 2020 10:44 AM

පාර්ලිමේන්තුවේ ගෞරවයට හානිකරනා ප්‍රධානම පිරිස වන්නේ දේශපාලකයන්. හොරුන් මැරයන් හා විවිධ දූෂණ සඳහා සම්බන්ධවූ අයද, ඊට අමතරව මිනීමැරුම් සඳහා සිපිරිගෙට නියම වුවන්ද, නව සම්ප්‍රදාය අනුව රජවාසල වැජඹෙනු පෙනේ. එවන් මිනිසුන්ගෙන් පිරි තැනකින් නිසි සේවයක් හා පාලනයක් බලාපොරොත්තු විය හැකිද?

:       1       16

GOLGOTHA MILANO Thursday, 17 December 2020 10:46 AM

හම්මෝ සර්ව සාධාරණ කථා නායකයා කරු.

:       4       12

Raveendra Thursday, 17 December 2020 10:53 AM

තේක්ක, කරුවල කරුවුනත් දිරලා නම් වැඩක්නැතේ.... පුටුවේ ඉන්නාවිට පටිටිය නම්බුව තිබ්බාදෝ... "කෙසෙල් කරුට" ඔක්කොම අමතක වෙලාදෝ... "නොදකින් " පට්ටියේ ලොක්කන් වුවානේ...

:       5       8

Raveendra Thursday, 17 December 2020 11:23 AM

වයසට යන්න යන්නම මොලේ ආබාධ වැඩි වෙනවා... යන කියමනට අපේ මේ කරූ සීයා ඉතාමත්ම හොඳ ප්‍රායෝගික සාක්කියක්...

:       0       0

upcountry Thursday, 17 December 2020 12:29 PM

කරූ, ඔබ​, සද්දෙන් (ඝෝෂාවෙන්) පනත් සම්මත කිරීම සර්ව සාධාරණයි...

:       0       0

Roland Thursday, 17 December 2020 12:31 PM

මෙතුමා තමයි පාර්ලිමේන්තු සම්ප්‍රදාය නීච කළේ, අපිට මතකයි පාර්ලිමේන්තු ඡන්දයට ආණ්ඩු පක්ෂයේ මන්ත්‍රීවරුන්ව ගෙදරට ගිහිල්ලා කැන්දාගෙන එනතුරු පාර්ලිමේන්තුව ඈඳාගෙන ගියා...

:       0       0

Prabath Chandrabimba Thursday, 17 December 2020 01:31 PM

දූෂිත දේශපාලකයන් විසින්ම පත්කරනු ලැබූ රාජ්‍ය නිලධාරීන් ගැන කවර කතාද? නමුත් පාර්ලිමේන්තුවේ ගෞරවය සහ එම නිලධාරීන් අතර සම්බන්ධය කුමක්ද? පාර්ලිමේන්තුවේ ගෞරවය කෙලෙසන්නේ එහි සිටින නූගත් පිරිසම බව මේ රටේ පොඩි දරුවා පවා දනී. ඔය කතාකරන හිටපු කතානායක පරලොව සිට පැමිණියෙක්ද? "බලය ඇති දා මොලය නැත. බලය නැතිදා එම මොලය වැඩෙන්නේද නැත"

:       0       0

Henry Friday, 18 December 2020 05:40 PM

අර ගෝනි පඩංගු කෑල්ල ඔලුවේ දාන් හිටපු කාලේ විකාර කියනකොට, පාර්ලිමේන්තු කොමිසම් අරලිය ගහ මන්දිරේ රැස්වීම් තියලා සාක්කි නැතුව බුද්ධි අංශ සාමාජිකයින් හිරේ දාන කොට මොනවද කෙරුවේ?.

:       0       0

chandana Saturday, 19 December 2020 05:47 PM

දෙපැත්තෙන්ම හිනා යන කතාවක්.. ශබ්දය අනුව පනත් සම්මත කරපු, විකාර විදිහට ස්ථාවර නියෝග අත්හිටුවලා පාර්ලිමේන්තුව කෝලම් මඩුවක් කරපු, හොරාගෙ අම්මගෙන් පේන අහන කොමිසම් තිබුනු යුගය මතකයි.

:       0       0

ඔබේ අදහස් එවන්න

එසැණ පුවත්

උසස් පෙළ පන්ති පැවැත්වෙන්නේ මෙහෙමයි
2024 මැයි මස 18 568 0

පසුගියදා (15) අවසන්වූ 2023/2024 අ.පො.ස.සාමාන්‍ය පෙළ විභාගයට පෙනී සිටි සිසු සිසුවියන් සඳහා ජුනි 04 දින උසස් පෙළ පන්ති ආරම්භ කිරීම සම්බන්ධ චක්‍රලේඛය අධ්‍යාපන අමාත


මත් කුඩු කිලෝ 450ක් අද වනසයි
2024 මැයි මස 18 345 0

පොලිසිය ඇතුළු ආරක්ෂක අංශ අත්අඩංගුවට ගත් මත්ද්‍රව්‍ය කිලෝ 450 කට අධික තොගයක් විනාශ කිරීම අද (18) පස්වරු 5.00 ට මහජන ආරක්ෂක අමාත්‍ය ටිරාන් අලස්, පොලිස්පති දේශබන


වැස්ස ඉදිරියට වැඩි වෙන හැඩ
2024 මැයි මස 18 303 0

ශ්‍රී ලංකාව සහ අවට මුහුදු ප්‍රදේශ ආශ්‍රිතව වර්ධනය වෙමින් පවතින පෙර මෝසම් කාලගුණික ලක්ෂණ හේතුවෙන් වැසි සහ සුළං තත්වයේ වැඩිවීමක් අද සිට ඉදිරි දින කිපයේ


ඩිනාරා ආසියාවේ ප්‍රබලයන්ගේ ලැයිස්තුවට
2024 මැයි මස 18 1689 0

ෆෝබ්ස් සඟරාව නවවැනි වරටත් පසුගියදා ප්‍රකාශයට පත් කළ ’’30 අන්ඩර් 30 ඒෂියා’’ ලැයිස්තුවට ඇතුළුවීමට ශ්‍රී ලාංකික රංගන ශිල්පිනියක සහ චිත්‍රපට නිෂ්පාදිකාවක


හමුදා සෙබළාට සමාව දුන්නාට ප්‍රකාශයක් දෙන්නැයි ගෝඨාට දන්වයි
2024 මැයි මස 17 1319 0

යාපනය, මිරිසුවිල් ප්‍රදේශයේ දී අවුරුදු පහක කුඩා දරුවකු ඇතුළු අවතැන්ව සිටි සිවිල් වැසියන් අටදෙනෙකු කපා කොටා මරා දැමීමේ සිද්ධිය සම්බන්ධයෙන් කොළඹ මහාධි


ප්‍රසිද්ධියේ සමාව ගන්නැයි මානව හිමිකම් සංවිධාන ලංකාවට කියය
2024 මැයි මස 17 2086 0

දශක ගණනාවක් පුරාවට සිදුවූ අතුරුදන් කිරීම්වලට ශ්‍රී ලංකා ආරක්ෂක හමුදා සහ ඊට අනුබද්ධ පැරාමිලිටරි කණ්ඩායම්වල මැදිහත්වීම පිළිගන්නා ලෙසත්, ඒ පිළිබඳ පොදු


මේවාටත් කැමතිවනු ඇති

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 771 0
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 2313 1
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 1977 5
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

Our Group Site