IMG-LOGO

රාජාංගනයේ එළවළු අස්වැන්න වගාබිමට පස් වෙයි

(***රාජාංගණය - නුවන් කුමාර)

තම එළවළු අස්වැන්න අලෙවි කරගැනීමට නොහැකිවීම නිසා එළවළු වගා විනාශකර දැමීමට තමන්ට සිදුවූ බව රාජාංගණයේ ගොවීහු කියති.

වගකිවයුතු පාර්ශ්වවලින් නිසි මැදිහත්වීමක් සිදු නොවීම නිසා තමන්ට මෙම ඉරණම අත්වූ බව ඔවුහු පවසති.

මහාපරිමාණයෙන් එළවළු වගාවේ නිරත වූ ගොවීන්ට වියදම් කළ මුදලින් හතරෙන් එකක්වත් ලබා ගැනීමට නොහැකිව තිබියදී  තමන්ට වගාව විනාශ කිරීමට සිදුවූ බව ඔවුහු පෙන්වා දෙති.

රටපුරා කොරෝනා වසංගතය පැතිරීයෑම නිසා රාජාංගණය ගොවිජනපදයේ එළවළු කොළඹට ප්‍රවාහනය කිරීමට නොහැකි වීමෙන් මෙම තත්ත්වය උද්ගත වූ බව ගොවීන්ගේ අදහසයි.

මහාපරිමාණයෙන් ගොවිතැන් කටයුතුවල නියලෙන ගොවියකු වන රාජාංගනයේ එච්.ටී. ධර්මරත්න මහතා මෙසේ පැවසීය.

මම මහා පරිමාණයෙන් වගාකරන කෙනෙක්. මේ පාරත් අක්කර 14ක එළවළු දැම්මා. අක්කර දෙකක විතරක් පිපිඤ්ඤා වගාකළා. කෙසෙලු‍ත් අක්කර දෙකක වගාකළා. මගේ පිපිඤ්ඤා වගාවට විතරක් බිම් සැකසීමේ ඉඳලා අස්වැන්න නෙළන කල් රුපියල් දෙලක්ෂ පනස්දහසක මුදලක් වැයවුණා.

 ඒ වුණාට මට රුපියල් 50000ක්වත් ගන්න බැරිවුණා. මම මේ වගාවලට කුඹුරු ගන්නේ එක අක්කරයට වී කිලෝ 600 බැගින් කුඹුරේ අයිතිකරුට දෙන පොරොන්දුවට. පිපිඤ්ඤා  විකුණාගන්න බැරිම තැන මම තීරණය කළා  වගා කරපු කුඹුර හාලා  වී වපුරන්න. හාන්න ආපු කෙනා වගාව දැකලා එයාට බැහැ කිව්වා. මගේ පපුව හෝස්ගාලා පත්තුවුණා. මාස ගානක් දුක්විඳලා අන්තිමට අත්වුණ ඉරණම තමයි ඕක.

මම කුඹුර හාලා වී වැපුරුවා. යායේ අනික් කුඹුරු වගාකරලා ගොඩාක් කල් . මම වී වැපුරුවාට කුරුල්ලන්ගෙන් බේරගන්නත් බැරිවෙනවා. කුඹුරු අයිතිකාරයට පොරොන්දු වුණ වී ටිකවත් දෙන්න පුළුවන් වුණොත් මට ඒක සැනසීමක්. විශ්වාස කරන්න කෙසෙල් අක්කර දෙකේ කෙසෙල් පැහිලා.

මම ඒ.ජී. ඔපිස් එකට කීවා කිසිම මුදලක් මට එපා ඒවා කපලා නැති අයට ගිහින් දෙන්න කියලා. ඒත් කවුරුවත් ආවේ නැහැ. අනික් ඉඩම්වල තියෙන්නේ බණ්ඩක්කා, පතෝල. වැටකොලු වගේ දේවල්. ඒවාට දාන්න වෙළෙඳපොළේ පොහොර නැහැ. ඒ වගාවලටත් රුපියල් ලක්ෂ 4ක් මේ වන විට වියදම් කරලා තියෙනවා. ඒවත් වතුරේ ගියා කියලා හිතහදාගන්න තමයි වෙන්නේ. අන්ත අසරණ වුණ ගොවීන්ට උරුම වෙන්නේ මහපාරේ හිඟාකන්න තමයි.

 

 



අදහස් (7)

රාජාංගනයේ එළවළු අස්වැන්න වගාබිමට පස් වෙයි

Samitha Senaka Aluthgamage. Wednesday, 20 May 2020 12:17 PM

කව්රු මොනවා කිව්වත් රටේ බොහෝ තැන්වල තත්ත්වය මෙහෙමයි. මේ මිනිසුන්ගේ සැබෑ තත්වය ගැන ගොළුවත රකින පක්ෂග්‍රාහි රූප පෙට්ටිකාරයෝ බලවතුන්ට කඩේ ගොස් වාසි ලබන ගමන් රට රවටන හැටි හරිම කැතයි...

:       0       3557

lalithm Wednesday, 20 May 2020 12:30 PM

ලංකාවේ ලොකුම ප්‍රශ්නය මැතිවරණයද? මේවා නොවෙයි... ඇත්තටම අපේ මිනිස්සුන්ට පිස්සු ඇති මේ ජරා දේශපාලුවෝ පස්සේ වැටිලා මොවුන් කියන බොරු අහගෙන ඉඳලා තව ඡන්දෙ දීලා පාර්ලිමේන්තුවට යවන්නේ.... අපේ රීරි මාංශය සූරාකන්න.

:       0       2507

කුමාර Wednesday, 20 May 2020 01:36 PM

ඔය මොනවා වුනත් ඡන්දෙ ආවම රට, ජාතිය බේරාගන්න ඕනේ කියලා ඔය කට්ටිය චන්දෙ දීලා මේ කට්ටියවම පත් කර ගන්නවා...

:       259       244

Chandana Wednesday, 20 May 2020 02:48 PM

එළවලු කුණු වුනත් මොකද දැන් අපිට රටක් තියනවානේ.

:       0       0

upali Kotte Wednesday, 20 May 2020 03:46 PM

අපි එළවලි නැතුව ඉන්නවා.ඔහෙ එළවලු විසි කරනවා. කොහෙද වැරැද්ද?

:       0       0

Damith Wednesday, 20 May 2020 09:32 PM

ලබන සැරේත් ඡන්දය දාන්න රට හදන්න..

:       0       0

ajith Thursday, 21 May 2020 02:20 AM

ගොවි මහත්වරුනි, දැඩිසේ දුක්විඳ වගාකර ලාභගත් ඵලදාව මෙලෙස විනාශ නොකර, කණ්ඩායම් වශයෙන් එක්වී ඔය එළවළු ගම්පහ, රත්නපුරය, කළුතර වැනි දිස්ත්‍රික්ක වලට රැගෙන එන ක්‍රමයක් හදාගන්න. විකිණිය හැකි ක්‍රම සකසා දීමට ගම්වාසීන් උනන්දු වෙනවා ස්ථීරයි. මේ දවස්වල අපට ලැබෙන එළවළු ඉතාමත් අඩුයි. තිබෙන ටිකත් කල් පසුවෙච්චි ඒවා.. මිලත් වැඩියි. කරුණාකර මේ ගැන සැලකිලිමත් වෙලා කටයුතු කරන්න.

:       0       5

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි 2025 ජුලි මස 04 233 0
ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි

ශ‍්‍රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 757 1
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 1175 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

Our Group Site