(විනීතා එම් ගමගේ)
කොවිඩ් 19 වසංගතය පැතිරයාම හේතුවෙන් රැකියා අහිමිවූ විගමනික ශ්රමිකයන්ට යළි රැකියා සොයා දීමට හා ඔවුන්ට යම් වන්දි මුදලක් ලබා දීමට සහය වන්නැයි කම්කරු අමාත්ය නිමල් සිරිපාල ද සිල්වා මහතා ජාත්යන්තර කම්කරු සංවිධානයෙන් ඉල්ලීමක් කර ඇත.
එම ඉල්ලීම ජාත්යන්තර කම්කරු සංවිධානයේ ශ්රී ලංකාවේ නියෝජිත සිම්රිත් සිංග් මහත්මිය සමඟ ඉකුත් දා කම්කරු අමාත්යංශයේ පැවැති සාකච්ඡාවක දී ඉදිරිපත් කර ඇති අතර එකී ඉල්ලීම සිම්රිත් සිංග් මහත්මිය භාරගත් බව කම්කරු අමාත්යංශය කියයි.
ශ්රී ලාංකික ශ්රමිකයන්ගේ ආරක්ෂාව නිසි වේතන ලබාගැනීම හා වීසා ලබා ගැනීමේ දී ඇතිවන ගැටළු මෙන්ම රැකියා නියෝජිතයන් විසින් විශාල මුදලක් අයකිරීම වැනි කරුණු කෙරෙහි ද අමාත්යවරයා නියෝජිතවරිය ගේ අවධානය යොමු කළේය.
එතෙර රැකියා නියෝජිතයින් විශාල මුදලක් අයකරන බැවින් දේශිය රැකියා නියෝජිතයින් විශාල මුදලක් අයකරන්නට සිදුව ඇතැයි ඔවුන් පවසන බැවින් විදේශ රටවල නියෝජිතයින් විසින් අයකරන ගාස්තු අඩුකර ගැනීමට මැදිහත් වන ලෙසද අමාත්යවරයා ඉල්ලා ඇත.
එමෙන්ම රැකියා සඳහා විදේශ ගතවන ශ්රමිකය්නට වීසා ලබා ගැනීමේ ක්රමවේදය පහසු කිරීමට මැදිහත් වන ලෙස ද අමාත්යවරයා ඉල්ලා තිබේ.
මෙරට කම්කරු නීතිරීති ගෝලීය ක්රමවේදයන්ට අනුව වෙනස් කිරීමට තමන් විසින් මේ වනවිටත් පියවර ගෙන ඇතැයි ද කම්කරු අයිතීන් ආරක්ෂා කිරීම හා ක්මකරුවන් හා හාම්පුතුන් අතර සුහදශීලී සම්බන්ධතාවක් ඇති කිරීමට කම්කරු අමාත්යංශය හා රජය පියවර ගන්නා බව ද මෙම සාකච්ඡාවේ දී අමාත්යවරයා පවසා තිබේ.
COMMENTS
හොඳ අදහසක්, මෙය ක්රියාත්මක විය යුත්තේ මන්ත්රී, ඇමැති ලිස්ට්වලට නොවේ. විදේශ සේවා නියුක්ති කාර්යාංශයේ ලියාපදිංචිවෙලා ගිය අයටයි. ලෝක කම්කරුවෙන් වෙන වැඩක් නෙවේ. මොකද ලෝකයටම දෙන්න එයාලාට බැහැ. කෝටි ගාණක වන්දිමුදල් කෝ කියලා නිමල් ඇමැති තුමා බලලා ඒකෙන්වත් ගෙවන්න. ඒක කාගේවත් සල්ලි නෙමෙයිනේ ආණ්ඩුව තියාගෙන ඉන්නේ..
ඉල්ලද්දීත්, පිළිතුරු දෙද්දීත් මෙයා නිදි.
අපේ විදේශ ශ්රමිකයෝ 17500 බැගින් විදේශ සේවා එකේ රක්ෂණ ගාස්තු ගෙවලා රට යන්නේ... එම මුදල්වලින් ඔවුන්ට අවශ්ය පහසුකම් සපයන්න. එම ගිණුමේ මුදල් නිලධාරියෝ සහ දේශපාලකයෝ එකතුවෙලා හොරෙන් ගෙනනම් පිටරටවලට අතපාන්නේ නැතිව, ගුවන් තොටුපළ අපේ පුරවැසියන් සඳහා විවෘත කරන්න.