යුරෝපා සංගමයේ ප්‍රතිත්‍රස්ත සම්බන්ධීකාරක ජිල් ද කාකොව් මහතා හෙට  (11) මෙරටට පැමිණීමට නියමිතය.
 
ජිල් ද කාකොව් මහතා දින 4ක් ශ්‍රී ලංකාවේ රැඳී සිට මාලදිවයිනට ද යෑමට නියමිතය. ශ්‍රී ලංකාව සහ මාලදිවයින යන රටවල් ආරක්ෂාව සහ අත්දැකීම් හුවමාරු කරගැනීම ක්‍රමවේද සංවර්ධනය කිරීම සඳහා පියවර ගැනීම සහාය දීම ජිල් ද කාකොව් මහතාගේ මෙම සංචාරය අරමුණ වී තිබේ. 
 
කාකොව් මහතා මෙම සංචාරයේදී ශ්‍රී ලංකා රජය, විපක්ෂය, ආරක්ෂක ප්‍රධානීන් සහ සිවිල් සමාජ කණ්ඩායම් සමඟ සාකච්ඡා පැවැත්වීමට ද මෙරට සිටින රාජ්‍ය තාන්ත්‍රික ප්‍රජාව හමුවීමට ද නියමිතය. 
 
ජිල් ද කාකොව් මහතා 2007 වසරේ සිට යුරෝපා සංගමයේ ප්‍රති ත්‍රස්ත සම්බන්ධීකාරක ලෙස කටයුතු කරන අතර විශ්වවිද්‍යාල කිහිපයකම ආචාර්යවරයකු ලෙස කටයුතු කරයි. හෙතෙම යුරෝපීය නීතිය, මානව හිමිකම්, ආරක්ෂාව සහ ත්‍රස්තවාදය මැඬලීම සම්බන්ධයෙන් කෘති සහ ලිපි ද රචනා කර ඇත. 
 
කාකොව් මහතාගේ ශ්‍රී ලංකා සහ මාලදිවයින් සංචාරය ලබන 16 වැනිදායින් අවසන් වීමට නියමිතය. 
 
 055