2021 ඔක්තෝබර් මස 28 වන බ්රහස්පතින්දා
යාපනයේ ව්‍යායාම මධ්‍යස්ථානයකට ප්‍රහාරයක්
රොමේෂ් මධුෂංඛ
යාපනය චුන්නාකම් ප්‍රදේශයේ පිහිටි ව්‍යායාම මධ්‍යස්ථානයකට පැමිණි නාදුනන පිරිසක් විසින් ප්‍රාදේශීය සභා මන්ත්‍රීවරයකුට පහර දීමට ගත් උත්සහයකදී එම මන්ත්‍රීවරයා නොසිටීම හේතුවෙන් ව්‍යායාම මධ්‍යස්ථානයට දැඩි ලෙස හානි සිදු කර පලා ගොස් ඇති බව චුන්නාකම් පොලීසිය පවසයි.
අදාළ පහරදීම චුන්නාකම් පොලීසිය ආසන්නයේ පිහිටි ගෝල්ඩන් ජිම් නැමති ව්‍යායාම මධ්‍යස්ථානයට සිදුව ඇති අතර ඊයේ සවස යතුරුපැදි පහකින් 10 දෙනෙකු පැමිණ වලිකාමම් ප්‍රාදේශීය සභාවේ මන්ත්‍රීවරයකු වන තුවාකරන් නැමති මන්ත්‍රීවරයා සොයා තිබේ.
එම අවස්ථාවේදී අදාළ මන්ත්‍රීවරයා ව්‍යායාම මධ්‍යස්ථානයේ සැගවී සිටීම හේතුවෙන් පැමිණි පිරිසට මන්ත්‍රීවරයා සොයා ගැනීමට නොහැකි වීමෙන් ව්‍යායාම මධ්‍යස්ථානයේ තිබූ ව්‍යායාම උපකරණ වලට සහ ව්‍යායාම මධ්‍යස්ථානයට දැඩි ලෙස හානි සිදු කර ඇති ඇත.
කෙසේ වෙතත් චුන්නාකම් පොලීසිය ආසන්නයේම පිහිටි මෙම ව්‍යායාම මධ්‍යස්ථානය එල්ල වූ ප්‍රහාරය සමබන්ධයෙන් කිසිවෙකුත් චුන්නාකම් පොලීසියට අත්අඩංගුවට ගැනීමට නොහැකි වීම පිළිබඳ ප්‍රදේශවාසීහු දැඩි අප්‍රසාදය පළ කර සිටිති.
